Riot Games နှင့် Coca Cola တို့ဟာ mobile gaming နှင့် esports လောကတွင် ပထမဆုံး multi-year partnership တစ်ခုကို ပြုလုပ်သွားမည်ဖြစ်ကြောင်း ပူးတွဲကြေငြာချက်တစ်ခုကို မတ်လ ၂၄ ရက်နေ့တွင် ပြုလုပ်ခဲ့ပါတယ်။ အဆိုပါ အကျိုးတူပူးပေါင်းမှုရဲ့ ပထမဆုံးလှုပ်ရှားမှုအနေနဲ့ “It Must Be Real” လို့အမည်ပေးထားတဲ့ Coca-Cola မှ မကြာမှီအချိန်အတွင်းက ပြုလုပ်ထားခဲ့သော digital campaign တစ်ခုတွင် Wild Rift Esports မှ scene အချို့ကိုလည်း ပြသသွားခဲ့ပါသေးတယ်။ 

Riot Games ရဲ့ official website တွင် - “အဆိုပါသဘောတူညီချက်ဟာ မြန်ဆန်စွာ ကြီးထွားတိုးတက်လာသော mobile gaming နှင့် esports အမှတ်တံဆိပ်များအနက်မှ League of Legends: Wild Rift နှင့် Wild Rift Esports တို့နှင့် Coca-Cola တို့ အတူတကွပူးပေါင်း၍ ကစားသမားများနှင့် fan များအကြားတွင် အဓိပ္ပါယ်ပြည့်ဝသောပုံစံဖြင့် ဆက်နွယ်ပတ်သက်မှုတစ်ခုပေါ်ပေါက်လာစေရန် ဆောင်ရွက်နိုင်ဖို့ ရည်ရွယ်ပြုလုပ်ခဲ့တာဖြစ်ပါတယ်” ဟူ၍ ရေးသားထားခဲ့ပါတယ်။ 

Coca-Cola ကုမ္ပဏီရဲ့ Global Vice President, Assets, Influencers & Partnerships ဖြစ်သူ Brad Ross ကတော့ - “Mobile gaming ဟာ အနာဂါတ်တွင် gaming ပြုလုပ်ခြင်းရဲ့ အရေးပါတဲ့ အစိတ်အပိုင်းတစ်ခုဖြစ်လာမှာဖြစ်တဲ့အတွက် ကျွန်ုပ်တို့ဟာ အားကစားနဲ့ entertainment နယ်ပယ်နှစ်ခု ဆုံမှတ်ရဲ့ ထိပ်ဆုံးတွင်ရှိနေသော Riot Games နဲ့ အတူတကွပူးပေါင်းဆောင်ရွက်မှုတွေ ပြုလုပ်ရမှာကို အလွန်ပဲ မျှော်လင့်ထားပါတယ်”  ဟူ၍ ပြောကြားခဲ့ပါတယ်။