Wikipedia ပေါ်မှတဆင့် အချက်အလက်များရယူ၍ လည်ပတ်ရသောကုမ္ပဏီများအတွက် Wikipedia ရဲ့ ပင်ရင်းကုမ္ပဏီမှ ငွေပေးချေ၍ရယူရမည့် Online ဝန်ဆောင်မှုတစ်ခုကို စတင်ပြုလုပ်သွားရန်ရှိကြောင်း ကြေငြာလိုက်ပြီပဲဖြစ်ပါတယ်။ 

Wikimedia Enterprise ဟု ခေါ်တွင်မည့် အဆိုပါ platform ပေါ်တွင် Wikipedia ပေါ်ရှိ content များကို သုံးစွဲနေရသော ကုမ္ပဏီများသာ စာရင်းပေးသွင်းလျှောက်ထားနိုင်မှာဖြစ်ပြီး ဆက်စပ်အနေဖြင့် Google, Amazon နှင့် Facebook တို့တွင်လည်း အဆိုပါဝန်ဆောင်မှာဟာ အကျိုးသက်ရောက်မှုရှိလာစေနိုင်မှာလည်း ဖြစ်ပါတယ်။

Wikipedia ကို သာမန်အသုံးပြုနေသော အသုံးပြုသူများအတွက်ကိုတော့ သူတို့ရဲ့ဝန်ဆောင်မှုအား ပုံမှန်အတိုင်း အခမဲ့ရယူနိုင်ဦးမှာဖြစ်ကြောင်းနှင့်အတူ Wikipedia အနေနဲ့ ပိုမိုများပြားတဲ့ အရင်းအမြစ်များ၊ လုပ်ငန်းလက်တွဲဖော်များနဲ့ မိတ်ဘက်များကိုလည်း လုပ်ငန်းချဲ့ထွင်မှုများကို ပြုလုပ်လာသည်နှင့်အမျှ ရည်မှန်းချက်များအောင်မြင်စေရန်အတွက် လိုအပ်ဦးမှာဖြစ်ကြောင်းကိုလည်း Wikipedia မှ ပြောကြားသွားခဲ့ပါတယ်။