Volkswagen မှ လျှပ်စစ်ကားဘက်ထရီထုတ်လုပ်ရေးတွင် ကန်ဒေါ်လာ ၂၀.၃၈ ဘီလျံကို အသုံးပြုသွားမည်ဟု ကြေငြာခဲ့ပါတယ်။ 

ဒီလုပ်ဆောင်ချက်ဟာ Volkswagen ရဲ့ ပြောကြားချက်အရ အလုပ်အကိုင်ပေါင်း ၂၀,၀၀၀ နှင့်အတူ ကန်ဒေါ်လာ ၂၀.၃၈ ဘီလျံခန့် နှစ်စဉ်ရောင်းချမှုနှုန်း တိုးပွားလာနိုင်ချေရှိတယ်လို့ သိရှိရပါတယ်/ Volkswagen အနေနဲ့ Power Co လို့အမည်ပေးထားတဲ့ ကုမ္ပဏီအသစ်တစ်ခုကိုတည်ထောင်သွားမှာဖြစ်ပြီး ၎င်းရဲ့ ဘက်ထရီထုတ်လုပ်ရေးလုပ်ငန်းများကို စီမံခန့်ခွဲမှု ပြုလုပ်စေမှာဖြစ်ပါတယ်။ 

အဆိုပါစီမံခန့်ခွဲမှုများတွင် နည်းပညာအသစ်များကို သုသေသနပြုလုပ်ခြင်းနဲ့ တည်ဆောက်ခြင်းတို့မှစတင်၍ ကုန်ကြမ်းများကို တူးဖော်ခြင်းနှင့် သက်တမ်းကုန်ဆုံးပြီးသော ဘက်ထရီများကို ပြန်လည် recycle ပြုလုပ်ခြင်း အစရှိတဲ့လုပ်ဆောင်ချက်များလည်း ပါဝင်နေမှာဖြစ်ပြီး ဒီသတင်းကိုတော့ ဂျာမဏီနိုင်ငံရှိ မြို့တစ်မြို့ဖြစ်တဲ့ Salzgitter တွင် တည်ဆောက်ထားတဲ့ VW ရဲ့ ပထမဆုံး ဘက်ထရီစက်ရုံဖွင့်ပွဲတွင် ကြေငြာခဲ့တာဖြစ်ပါတယ်။