Twitter ဟာ သူတို့ရဲ့ subscription ဝန်ဆောင်မှုအသစ်ဖြစ်တဲ့ Twitter Blue ကို ဩစတေးလျှနှင့် ကနေဒါနိုင်ငံများတွင် ဇွန်လ ၃ ရက်နေ့၊ ၂၀၂၁ ခုနှစ်က စတင်ထုတ်လွှင့်ပေးခဲ့ပါတယ်။ Twitter ရဲ့ ကြေငြာချက်အရ အဆိုပါ အပိုဆောင်းဝန်ဆောင်မှုတွင် “Undo Tweet” button, bookmarks များနှင့် reader mode ကဲ့သို့သောလုပ်ဆောင်ချက်များကိုထည့်သွင်းထားလျှက်ရှိပါတယ်။ 

ကုမ္ပဏီရဲ့ပြောဆိုချက်အရ “ယခုကဲ့သို့ အကန့်အသတ်ဖြင့် launch ပြုလုပ်ခြင်းဟာ အသုံးပြုသူများဖက်မှ မည်သို့သောအရာများကိုလိုအပ်နေကြသလဲဆိုသည်အား ပိုမို၍နက်ရှိုင်းစွာနားလည်နိုင်စေဖို့ စီစဉ်လိုက်တာဖြစ်ပါတယ်။” သို့သော် Twitter ရဲ့ free-to-use version ကိုလည်း ဆက်လက်၍ အသုံးပြုနိုင်ဦးမှာဖြစ်ပါတယ်။ 

သတင်းများအရတော့ ယခု subscription အသစ်ဟာ တစ်လလျှင် ကနေဒါဒေါ်လာဖြင့် ၃.၄၉ ကျသင့်မှာဖြစ်ပြီး ဩစတေးလျှဒေါ်လာဖြင့် ၄.၄၉ ကျသင့်မှာဖြစ်ကာ အခြားသောနိုင်ငံများအတွက် Release date ကိုတော့ လက်ရှိအချိန်တွင် အတည်ပြုပြောကြားခဲ့ခြင်းမရှိသေးကြောင်း သိရှိရပါတယ်။