Twitter မှ Tesla CEO Elon Musk ကို ၎င်းတို့ရဲ့ ဒါရိုက်တာဘုတ်အဖွဲ့ဝင်တစ်ဦးအဖြစ် ခန့်အပ်ခဲ့ပါတယ်။ အမေရိကန် Securities and Exchange Commission ထံသို့ ပေးပို့ခဲ့တဲ့ စာရွက်စာတမ်းများအရ Musk ဟာ အဆင့် (၂) ဒါရိုက်တာအနေနဲ့ ၂၀၂၄ ခုနှစ်အထိ ဆောင်ရွက်သွားမှာဖြစ်တယ်လို့ သိရှိရပါတယ်။ 

Tweet အချို့တွင် ရေးသားထားချက်များအရ - Twitter CEO Parag Agrawal မှ Musk ရဲ့ ဒါရိုက်တာဘုတ်အဖွဲ့အတွင်းက ရာထူးအသစ်ကို အတည်ပြုပြောကြားခဲ့ပြီး Musk ကို သူက “စိတ်အားထက်သန် တက်ကြွသော ယုံကြည်သူတစ်ဦးဖြစ်ပြီး သူတို့ရဲ့ ဝန်ဆောင်မှုအပေါ် အားမနာတမ်းဝေဖန်တတ်သူတစ်ဦးဖြစ်တယ်” လို့ ခေါ်ဆိုခဲ့ပါတယ်။ Musk ကတော့ Twitter မှတဆင့် - “သူဟာ Twitter ထံသို့ လာမည့်လများအတွင်း သိသာတဲ့ပြောင်းလဲမှုများကို ဆောင်ကြဉ်းပြုလုပ်ပေးနိုင်ဖို့အတွက် အလွန်စိတ်အားထက်သန်မှုရှိနေပါတယ်” ဟူ၍ ပြောကြားတုန့်ပြန်မှုပြုလုပ်ခဲ့ပါတယ်။ 

Twitter platform ပေါ်တွင် လွတ်လပ်စွာပြောဆိုပိုင်ခွင့်နှင့် ပတ်သက်ပြီး complain များပြုလုပ်ခဲ့ဖူးသော Musk ဟာ ဧပြီ ၄ ရက်နေ့တွင် SEC filing မှတဆင့် Twitter ထံမှ ရှယ်ယာ ၉.၂ ရာခိုင်နှုန်းကို ဝယ်ယူခဲ့ကြောင်း ကြေငြာမှုပြုလုပ်ခဲ့ပါတယ်။ Musk ရဲ့ အဆိုပါဝယ်ယူမှုကြောင့် သူဟာ Twitter ကုမ္ပဏီအတွင်း တစ်ဦးချင်းရှယ်ယာပိုင်ဆိုင်မှုအများဆုံးသော သူတစ်ဦးဖြစ်လာခဲ့ပါတယ်။