Twitter ဟာ Slack ကဲ့သို့သော messaging app တစ်ခုဖြစ်တဲ့ Quill ကို direct message (DM) များအပါအဝင် ၎င်းတို့ရဲ့ messaging ဝန်ဆောင်မှုများအား ပိုမိုတိုးတက်ကောင်းမွန်မှုရှိစေရန် ဆောင်ရွက်နိုင်ဖို့အတွက်ရည်ရွယ်၍ ဝယ်ယူမှုပြုလုပ်ခဲ့တယ်လို့ Twitter မှ ဒီဇင်ဘာလ ၇ ရက်နေ့တွင် ကြေငြာမှုပြုလုပ်ခဲ့ပါတယ်။

ဒီသဘောတူညီချက်ကို ကြေငြာမှုပြုလုပ်ခဲ့တဲ့ tweet တစ်ခုတွင် Twitter တွင် general manager for core tech အဖြစ်တာဝန်ထမ်းဆောင်လျှက်ရှိသော Nick Caldwell မှ “Quill ဟာ ပိုမိုသစ်လွင်မှုရှိပြီး ဆက်သွယ်မှုများကို ပိုမိုကောင်းမွန်စွာပြုလုပ်နိုင်မည့်နည်းလမ်းတစ်ခုဖြစ်ပါတယ်။ ကျွန်ုပ်တို့ရဲ့ ဝန်ဆောင်မှုများပေါ်တွင် အသုံးပြုသူများအနေနဲ့ စကားစမြည်ပြောဆိုမှုများပြုလုပ်ရာတွင် မိမိတို့ရဲ့ ခံစားမှုများကို ပြသနိုင်ရန်နှင့် ပိုမိုပြီးအသုံးဝင်မှုရှိလာစေရန်အတွက်ရည်ရွယ်၍ DM ကဲ့သို့သော messaging tools များကိုဖန်တီးရာတွင် သူတို့ရဲ့ ကျွမ်းကျင်မှု၊ အတွေ့အကြုံများနှင့် တီထွင်ဆန်းသစ်မှုများကို Twitter သို့ သယ်ဆောင်လာမှာဖြစ်ပါတယ်။ “ ဟူ၍ ပြောကြားခဲ့ပါတယ်။ 

Quill ကို ပိတ်သိမ်းသွားမှာဖြစ်ပြီး ၎င်းရဲ့အဖွဲ့ဝင်များကတော့ Twitter ရဲ့ Experience org သို့ ဝင်ရောက်လာကြမှာဖြစ်တယ်လို့ သိရှိရပြီး ဒီသဘောတူညီချက်ရဲ့ အသေးစိတ်အချက်အလက်များကိုတော့ ထုတ်ဖော်ပြောကြားခြင်းမရှိသေးပါဘူး။