Destiny 2 ရဲ့ developer ဖြစ်တဲ့ Bungie studio ကို ယခုအခါ Sony မှ ဝယ်ယူလိုက်ပြီပဲဖြစ်ပါတယ်။ ဒီကိစ္စရပ်နဲ့ပတ်သက်ပြီး Bungie gaming studio ကို ဝယ်ယူရန်ဆန္ဒရှိကြောင်း Sony က ဇန်နဝါရီလအတွင်း ထုတ်ဖော်ပြောကြားခဲ့တာဖြစ်ပြီး ယူခုအခါမှာတော့ ဝယ်ယူမှုလုပ်ငန်းစဉ်များ ပြီးမြောက်သွားပြီပဲဖြစ်ပါတယ်။ 

ကနဦးကြေငြာချက်တစ်ခုတွင် Sony မှ ထုတ်ဖော်ကြေငြာချက်အရ အဆိုပါသဘောတူညီမှုဟာ ကန်ဒေါ်လာ ၃.၆ ဘီလျံရှိတယ်လို့ ကြေငြာထားသောလည်း ပြီးခဲ့တဲ့သောကြာနေ့က ဖော်ပြခဲ့တဲ့ SEC filing များမှာတော့ ဒီသဘောတူညီမှုဟာ ကန်ဒေါ်လာ ၃.၇ဘီလျံခန့်ရှိတယ်လို့ သိရှိရပါတယ်။ 

ယခုအခါ Sony ရဲ့အုပ်ချုပ်မှုအောက်သို့ ရောက်ရှိသွားပြီဖြစ်သော်လည်း Bungie ဟာ "ကျွန်ုပ်တို့ရဲ့ကိုယ်ပိုင်ဂိမ်းများကို အမှီအခိုကင်းစွာ ထုတ်လွှင့်ခြင်း၊ ဖန်တီးခြင်းများကို ဆက်လက်လုပ်ဆောင်သွားမှာဖြစ်ပါတယ်" ဟူ၍ Bungie CEO Pete Parsons က အဆိုပါဝယ်ယူမှုရဲ့ မူလကြေငြာချက်တစ်ခုအတွင်း ဖွင့်ဟပြောကြားခဲ့ပါတယ်။ " နောက်ပြီး အနာဂါတ်တွင်ထုတ်လုပ်သွားမည့်ဂိမ်းများဟာ PlayStation တစ်ခုတည်းအတွက် ဖန်တီးထုတ်လုပ်သွားမှာမဟုတ်ပါဘူး" ဟူ၍လည်း Bungie ရဲ့ Joe Blackburn နဲ့ Justin Truman တို့က ပြောကြားခဲ့ပါ