Snapchat ဟာ Universal Music Group (UMG) နှင့် သဘောတူညီချက်အသစ်တစ်ခုကိုပြုလုပ်ခဲ့ပြီး အဆိုပါသဘောတူညီချက်ကြောင့် Snap ကိုအသုံးပြုနေသူများအနေနဲ့ in-app sounds library မှတဆင့် UMG မှ အနုပညာရှင်များရဲ့ တေးသီချင်းများကို ထည့်သွင်း၍ အသုံးပြုနိုင်တော့မှာဖြစ်ပါတယ်။ 

ဒါ့အပြင် Snapchat ဟာ အသုံးပြုသူများအနေနဲ့ သူတို့ရဲ့ Snap များတွင် ထည့်သွင်းမည့် audio content များကို အလွယ်တကူရှာဖွေတွေ့ရှိနိုင်စေရန်အတွက် sounds option တွင် စုစည်းထားတဲ့ playlist များကို ထည့်သွင်းနိုင်စေရန်အတွက်ကိုလည်း ပြုလုပ်လျှက်ရှိနေပါတယ်။ 

စတင်၍ launch ပြုလုပ်စဉ်က Snapchat ဟာ Warner နဲ့ Sony ရှိ အနုပညာရှင်များရဲ့ တေးသီချင်းများကို ထည့်သွင်းပေးခဲ့ပြီး ယခုအခါတွင်တော့ UMG ရဲ့ အနုပညာရှင်များဖြစ်ကြတဲ့ Lady Gaga, Rihanna နဲ့ 50 Cent တို့အပါအဝင် အခြားသော အနုပညာရှင်များရဲ့ တေးသီချင်းများကိုပါ ထည့်သွင်းပေးနိုင်တော့မှာဖြစ်ပါတယ်။