Nintendo မှ သူတို့ထုတ်လုပ်ခဲ့တဲ့ လူကြိုက်များခဲ့သော device တစ်ခုဖြစ်တဲ့ “Nintendo 3DS” ကို ဆက်လက်ထုတ်လုပ်ခြင်းအား စက်အလုံးပေါင်း ၇၆ သန်းရောင်းချခဲ့ရပြီးနောက် ၁၀ နှစ်ခန့်အကြာတွင် လုံးဝရပ်ဆိုင်းတော့မှာဖြစ်ကြောင်းကြေငြာခဲ့ပါတယ်။

Nintendo 3DS ဟာဆိုရင် ယခင်ကရေပန်းစားခဲ့သော handheld device တစ်ခုဖြစ်ပြီး ထိုအရာက 3D ပုံရိပ်များကို အထူးပြုလုပ်ထားတဲ့မျက်မှန်များမပါဝင်ပဲတွေ့မြင်နိုင်တဲ့ ပထမဆုံး Handheld Gaming Device တစ်ခုလည်း ဖြစ်ခဲ့ပါတယ်။

Nintendo ကုမ္ပဏီမှ သူတို့ဟာ First-party ဂိမ်းများကို 3DS system အတွက် ထပ်မံထုတ်လုပ်ပေးတော့မှာမဟုတ်ကြောင်း ပြီးခဲ့တဲ့နှစ်က ကြေငြာမှုပြုလုပ်ပြီးနောက်မှာ လူအများစုမှ 3DS ကိုထုတ်လုပ်မှုအား ရပ်ဆိုင်းတော့မှာဖြစ်ကြောင်းခန့်မှန်းခဲ့ကြပါတယ်။ မည်သို့ပင်ဖြစ်စေ 3DS ဟာ စတင်ထုတ်လုပ်ခဲ့စဉ်က ဂိမ်းများဆော့ကစားရန်လွန်စွာကောင်းမွန်တဲ့ Handheld device တစ်ခုဖြစ်ခဲ့ပြီး များစွာသောကစားသူများဟာလည်း သူတို့ရဲ့ 3D experience ကို သဘောကျနှစ်ခြိုက်ခဲ့ကြပါတယ်။