တရုတ်နိုင်ငံ အခြေစိုက် Gaming ကုမ္ပဏီကြီးတစ်ခုဖြစ်သော NetEase ရဲ့ Cloud Village Inc., ဟုအမည်ရသော တေးသီချင်း streaming ဝန်ဆောင်မှုလုပ်ငန်းဟာ ကန်ဒေါ်လာ ၁ ဘီလျံခန့်ရရှိနိုင်မယ်ဟုခန့်မှန်းထားသော သူတို့ရဲ့ ဟောင်ကောင်မြို့အတွင်း Public သို့ ရှယ်ယာများရောင်းချမည့်အစီအစဉ်ကို launch လုပ်ဖို့ အချိန်ရွှေ့ဆိုင်းခဲ့ကြောင်း The Verge မှ သတင်းတစ်ပုဒ်အရ သိရှိရပါတယ်။ 

Cloud Village ဟာ သူတို့ရဲ့အဆိုပါရောင်းချမှုအတွက် ဝယ်လိုအားကို ပြီးခဲ့တဲ့အပတ်က စစ်တမ်းကောက်ယူခဲ့ပြီး ယခုအခါမှာတော့ ရင်းနှီးမြှုပ်နှံမှုပြုလုပ်လိုသူများထံမှ ဝယ်ယူမှုအမှာစာများကို လက်ခံမှုမပြုသေးပဲ ပိုမိုကောင်းမွန်တဲ့ဈေးကွက်အခြေအနေသို့ရောက်ရှိရန်အတွက် စောင့်ဆိုင်းလိုစိတ်ရှိနေကြောင်း သတင်းအရင်းအမြစ်များက ပြောဆိုခဲ့ပါတယ်။ 

ခန့်မှန်းခြေအရ ကန်ဒေါ်လာ ၁ ဘီလျံခန့်ရရှိနိုင်မယ့် Cloud Village ရဲ့ Public သို့ ရှယ်ယာများရောင်းချမှုအစီအစဉ်ဟာ နည်းပညာကုမ္ပဏီတစ်ခုအနေနဲ့ ဟောင်ကောင်မြို့အတွင်းတွင် ယခုနှစ်အတွင်း အကြီးဆုံးရှယ်ယာရောင်းချမှုတစ်ခုဖြစ်လာနိုင်ခြေရှိနေပါတယ်။