Mercedes-Benz မှ မကြာသေးမှီကထုတ်လုပ်ခဲ့သော ၎င်းတို့ရဲ့ Luxury EQS sedan ကားအပြင် နောက်ထပ် EQS SUV လို့အမည်ပေးထားတဲ့ (၇) ယောက်စီး လျှပ်စစ် SUV ကားကို ထုတ်လုပ်ရောင်းချသွားမှာဖြစ်ကြောင်း ဧပြီလ၊ ၁၅ ရက်နေ့က ကြေငြာမှုပြုလုပ်ခဲ့ပါတယ်။ 

အဆိုပါကားဟာ ၃၇၃ မိုင် (၆၀၀ ကီလိုမီတာခန့်) မောင်းနှင်နိုင်မှာဖြစ်ပြီး Tesla Model X နှင့် BMW iX တို့နှင့် ယှဉ်ပြိုင်ကာ အမေရိကတိုက်တွင် ယခုနှစ်နှောင်းပိုင်းမှစတင်၍ ရောင်းချသွားမှာဖြစ်တယ်လို့ သိရှိရပါတယ်။ 

Mercedes မှ အဆိုပါကားကိုရောင်းချသွားမည့်ဈေးနှုန်းကို ထုတ်ဖော်ပြောကြားခြင်းမရှိသေးသော်လည်း ကျွမ်းကျင်သူများရဲ့ ခန့်မှန်းချက်အရ လက်လီရောင်းဈေးဟာ ကန်ဒေါ်လာ ၁၁၀,၀၀၀ မှ ၁၃၀,၀၀ အထိရှိနိုင်ပြီး ဒါဟာ Mercedes ရဲ့ အမေရိကတိုက်သို့ရောက်ရှိလာသည့် ပထမဆုံး လျှပ်စစ် SUV ကား ဖြစ်လာမှာဖြစ်ပါတယ်။