Intel ဟာ cryptocurrency mining ပြုလုပ်ရန် သီးသန့်ဒီဇိုင်းရေးဆွဲထားသည့် chip ပြားအသစ်ဖြင့် blockchain နည်းပညာဈေးကွက်အတွင်း စတင်၍ရင်းနှီးမြှုပ်နှံမှုများပြုလုပ်လျှက်ရှိနေပြီပဲဖြစ်ပါတယ်။ Intel ဟာ တာရှည်ခံနိုင်မှုအပေါ် ပိုမို၍အဓိကထား၍ “energy-efficient အဖြစ်ဆုံး computing နည်းပညာများကို တည်ဆောက်သွားရန်” အစီအစဉ်များရေးဆွဲလျှက်ရှိနေပြီပဲဖြစ်ပါတယ်။ 

Intel ရဲ့ “blockchain accelerator” လို့အမည်ပေးထားတဲ့ အဆိုပါ crypto-focused chip ကို ယခုနှစ်နှောင်းပိုင်းခန့်တွင် စတင်ရောင်းချသွားရန် သတ်မှတ်ထားပြီး ယခုအခါ Bitcoin mining ကုမ္ပဏီတစ်ခုဖြစ်တဲ့ GRIID Infrastructures နှင့် Jack Dorsey ပိုင်ဆိုင်တဲ့ Block (ယခင် Square) ဆိုတဲ့ ကုမ္ပဏီ (၂) ခုကလည်း ကြိုတင်မှာယူမှုများကို ပြုလုပ်ထားပြီးဖြစ်တယ်လို့ သိရှိရပါတယ်။ 

Intel ရဲ့ senior vice president ဖြစ်သူ Raja Koduri ရဲ့ ကြေငြာချက်အရ - “ကျွန်ုပ်တို့ရဲ့ circuit innovation များဟာ SHA-256 based mining ပြုလုပ်ခြင်းများအတွက် mainstream GPU များထက် အဆ ၁၀၀၀ ပိုမိုကောင်းမွန်သည့် performance per watt ကို ပေးစွမ်းနိုင်မည့် blockchain accelerator ကို ထုတ်လုပ်ရောင်းချပေးနိုင်မှာဖြစ်ပါတယ်” ဟူ၍ ပြောကြားခဲ့ပါတယ်။