Google ဟာ ၎င်းတို့ရဲ့ဝန်ထမ်းများကို ဧပြီလပထမပတ်အတွင်း ရုံးပြန်တက်ကြစေရန် စီစဉ်လျှက်ရှိနေပြီး ဝန်ထမ်းများ work-from-home ပြုလုပ်ရခြင်းမှ ရုံးပြန်တက်ခြင်းသို့ အကူးအပြောင်းပြုလုပ်ရာတွင် တစ်ဖက်တစ်လမ်းမှ အထောက်အကူဖြစ်စေရန် လျှပ်စစ် scooter များကို အပိုဆုအနေနဲ့ အခမဲ့ပေးအပ်သွားမှာဖြစ်ကြောင်း သိရှိရပါတယ်။ 

Google ဟာ e-scooter ထုတ်လုပ်သူ Unagi နှင့် အကျိုးတူပူးပေါင်း၍ “Ride Scoot” လို့အမည်ရတဲ့ အစီအစဉ်တစ်ခုကို စတင်ပြုလုပ်လျှက်ရှိနေပြီဖြစ်ပြီး အမေရိကရှိ Google ဝန်ထမ်းအများစုအနေနဲ့ Unagi ရဲ့ လှပတဲ့ Model One scooter ကို လစဉ် subscription ပြုလုပ်၍ ဝယ်ယူရာတွင် ၁ လစာပေးချေရမည့်ပမာဏကို Google ထံမှ အပြည့်အဝပြန်လည်ထုတ်ယူနိုင်မှာဖြစ်ပါတယ်။ 

Model One လို့အမည်ပေးထားတဲ့အဆိုပါ scooter ကို ကန်ဒေါ်လာ ၉၉၀ ဖြင့်ရောင်းလျှက်ရှိနေပြီး မြန်နှုန်း ၂၀ mph နှင့် ၁၅.၅ မိုင်အထိ မောင်းနှင်နိုင်သော ပေါ့ပါးတဲ့ dual-motor scooter တစ်မျိုးဖြစ်ပါတယ်။ Unagi ရဲ့ တည်ထောင်သူနှင့် CEO David Hyman ရဲ့ပြောကြားချက်အရ အဆိုပါအကြံအစည်ဟာ Google ဝန်ထမ်းများကို အလုပ်သို့လာရောက်ရပိုမိုလွယ်ကူစေရန် (သို့မဟုတ်) အနီးဆုံးဘတ်စ်ကားဂိတ်သို့ လာရောက်ရလွယ်ကူစေရန် အကူအညီပေးနိုင်ဖို့ဖြစ်ကြောင်း သိရှိရပါတယ်။