Express.co.uk မှ သတင်းတစ်ပုဒ်အရ  YouTube မှ သူတို့၏ video-sharing site ပေါ်တွင် copyright တင်ထားသော ရုပ်ရှင်များ၊ တေးသီချင်းများနှင့် Game footage များကို အခမဲ့ upload ပြုလုပ်ပေးခြင်းမှရှောင်ရှားနိုင်ရန်အတွက် tool အသစ်တစ်ခုကို မိတ်ဆက်ပေးလိုက်ပြီဟု သိရှိရပါတယ်။ 

အဆိုပါ tool အသစ်အား ပင်ရင်းကုမ္ပဏီဖြစ်တဲ့ Google မှ YouTube အတွက်ပြုလုပ်ပေးခဲ့တာဖြစ်ပြီး copyright တင်ထားသောအရာများကို သူတို့ရဲ့ video-sharing site ပေါ်သို့ upload ပြုလုပ်နေခြင်းများမှ ကာကွယ်နိုင်ရန်ရည်ရွယ်၍ ပြုလုပ်ပေးခဲ့တာပဲဖြစ်ပါတယ်။ 

အဆိုပါ tool မှတဆင့် upload ပြုလုပ်ခြင်းလုပ်ငန်းစဉ်အတွင်းတွင် Google မှ အသုံးပြုသူများမှ upload ပြုလုပ်လာမည့် video အတွင်းတွင်ပါဝင်သည့် content များတွင် copyright ဖြင့်အကာအကွယ်ပေးထားသော content များကို ခွင့်ပြုချက်မရပဲထည့်သွင်းထားခြင်း ရှိ/မရှိကို scan ပြုလုပ်ပေးသွားမှာဖြစ်ပါတယ်။ ယခုအခါ အဆိုပါစစ်ဆေးမှုအား ထည့်သွင်းထားလိုက်ပြီဖြစ်တဲ့အတွက် YouTube သို့ upload ပြုလုပ်နေသူများအနေနဲ့ copyright ပိုင်ဆိုင်ထားတဲ့ မူရင်းပိုင်ရှင်ထံမှ ခွင့်ပြုချက်တောင်းခံပြီးမှသာ copyright ပြုလုပ်ထားသော content များကို မိမိတို့ရဲ့ video များတွင် ဖော်ပြနိုင်တော့မှာဖြစ်ပါတယ်။