Google ရဲ့ hardware ပိုင်းဆိုင်ရာ အကြီးအကဲတစ်ဦးဖြစ်သူ Rick Osterloh မှ ကုမ္ပဏီဟာ Raxium လို့ အမည်ပေးထားတဲ့ ဖွင့်လှစ်ခဲ့တာ ၅ နှစ်ခန့်သာရှိသေးသော MicroLED နည်းပညာကုမ္ပဏီတစ်ခုကို ဝယ်ယူလိုက်ပြီဖြစ်တယ်လို့ အတည်ပြုပြောကြားခဲ့ပါတယ်။ 

အဆိုပါ MicroLED နည်းပညာဟာ AR, VR နှင့် Mixed Reality headset မျိုးဆက်သစ်များကို တည်ဆောက်ရာတွင် အရေးပါလာနိုင်တယ်လို့ သိရှိရပြီး ဒါကိုကြည့်ခြင်းအားဖြင့် Google ဟာ AR နည်းပညာပိုင်းတွင် ကြီးမားတဲ့အကြံအစည်တခုခုကိုပြုလုပ်နေပြီဖြစ်ပြီး ထိုအရာကိုချပြနိုင်ဖို့ဟာလည်း တဖြည်းဖြည်းနဲ့ နီးကပ်လာပြီဆိုတာကို သိနိုင်မှာဖြစ်ပါတယ်။  

ယခင်ကလည်း ဖန်သားပြင်များကိုထုတ်လုပ်ပေးသည့် North ဆိုတဲ့ ကုမ္ပဏီတစ်ခုကို ၂၀၂၀ ခုနှစ်တွင် ဝယ်ယူမှုပြုလုပ်ခဲ့ပြီး Augment Reality operating system တစ်ခုကို တည်ဆောက်ရန်အတွက် Engineer များကို ဌားရမ်းခေါ်ယူမှု ပြုလုပ်ခဲ့ပါသေးတယ်။