မကြာသေးမှီကပြုလုပ်ခဲ့တဲ့ CES event အပြီးတွင် Fossil ဟာ ၎င်းတို့ရဲ့ Gen 6 smartwatch များတွင် လုပ်ဆောင်ချက်အသစ်တစ်ခုအနေနဲ့ Amazon ရဲ့ Alexa smart assistant ကို ထည့်သွင်းပေးသွားမည်ဟု ကြေငြာမှုပြုလုပ်ခဲ့ပါတယ်။ 

9to5Google သို့ပေးပို့ခဲ့တဲ့ statement တစ်ခုတွင် အဆိုပါ update ကို ၂၀၂၂ ခုနှစ်ရဲ့ ပထမနှစ်ဝက်အတွင်းတွင် ရောက်ရှိလာမှာဖြစ်တယ်လို့ Fossil မှ ရေးသားထားခဲ့ပြီး ဖြစ်နိုင်တာကတော့ Alexa ဟာ Wear OS 3 update မတိုင်မှီတွင် ရောက်ရှိလာနိုင်ဖွယ်ရှိနေပါတယ်။ 

Fossil ရဲ့ ပြောရေးဆိုခွင့်ရပုဂ္ဂိုလ်တစ်ဦးဖြစ်တဲ့ Robyn Sills ကတော့ Alexa ဟာ Fossil ရဲ့ Gen 6 device များသို့ ယခုနှစ်အစောပိုင်းတွင် ရောက်ရှိလာမှာဖြစ်တယ်လို့ပြောကြားခဲ့ပါတယ်။ Fossil မှ The Verge သို့ ပေးပို့ခဲ့တဲ့ Skagen Falster 6 နှင့် Razer x Fossil Gen 6 smartwatch တွင်တော့ Alexa အတွက် widget တစ်ခုပါဝင်နေခဲ့ပြီး အဆိုပါ widget ကို tap ပြုလုပ်လိုက်တဲ့အခါမှာတော့ Alexa ကို အသုံးပြု၍ရနိုင်ခြင်း မရှိသေးပဲ “coming soon” ဆိုတဲ့ message ကိုပဲ တွေ့မြင်ရဦးမှာဖြစ်ပါတယ်။