အမေရိကန်သမ္မတဟောင်း Donald Trump မှ Twitter ကို သူ့ရဲ့အကောင့်အားပြန်လည်ဖွင့်ပေးရန် ဖိအားပေးဖို့အတွက် Florida ပြည်နယ်တွင် တရားစွဲဆိုမှုပြုလုပ်ခဲ့ပြီး Twitter ရဲ့ ပိတ်ပင်မှုများဟာ Florida ပြည်နယ်တွင် အသစ်ထပ်မံပြဌာန်းလိုက်သည့် Social Media ဥပဒေနှင့်ညိစွန်းနေသည်ဟုဆိုကာ တရားစွဲဆိုမှုပြုလုပ်ခဲ့ပါတယ်။

သောကြာနေ့ညက Florida တောင်ပိုင်းပြည်နယ်တွင် ပြုလုပ်ခဲ့တဲ့ အဆိုပါတရားစွဲဆိုမှုဖိုင်မှတ်တမ်းများအရ Trump က Twitter ဟာ “အမေရိကန်ကွန်ဂရက်လွှတ်တော်အဖွဲ့ဝင်များနဲ့ပူးပေါင်း၍” သူ့အား တားမြစ်ပိတ်ပင်မှုများပြုလုပ်နေကြောင်း” နှင့် Twitter ဟာ “လူအများကြားတွင် ငြင်းခုန်မှုများ အများဆုံးဖြစ်ပွားရာ အဓိကနေရာတစ်ခုဖြစ်ကြောင်း” ကိုလည်း ပြောဆိုသွားခဲ့ပါတယ်။

Twitter မှ ၎င်းရဲ့ @RealDonaldTrump အကောင့်ကို ဇန်နဝါရီလ ၆ ရက်နေ့တွင်ကျင်းပခဲ့တဲ့ ၂၀၂၀ သမ္မတရွေးကောက်ပွဲတွင် Joe Biden အနိုင်ရရှိခဲ့မှုနှင့် ပတ်သက်၍ Trump ထောက်ခံသူများမှု ပြုလုပ်ခဲ့သော ပြင်းထန်တဲ့ ဆန္ဒပြမှုများအပြီး ၂ ရက်အကြာတွင် သူတို့ရဲ့ social media platform ပေါ်မှ ယာယီစတင်ဖယ်ရှားခဲ့ပြီး နောက်ထပ် ၂ ရက်အကြာတွင် ဥပဒေများကို ထပ်ဖန်တလဲလဲချိုးဖောက်လျှက်ရှိတဲ့အတွက် Trump ရဲ့ အကောင့်ကို ထာဝရပိတ်ချခဲ့ခြင်းဖြစ်ပါတယ်။ အခြားသော social media platform များဖြစ်တဲ့ Facebook, Snapchat, YouTube တို့မှလည်း Trump ရဲ့ အကောင့်များကို အသီးသီးပိတ်ချခဲ့ပါတယ်။