Endgadget မှ သတင်းတစ်ပုဒ်အရ Facebook ဟာ သူတို့ရဲ့ ကြီးထွားလျှက်ရှိနေသော Oculus Studio အတွင်းသို့ နောက်ထပ် developer တစ်ဦးကို ထည့်သွင်းလိုက်တဲ့အနေနဲ့ First-person VR shooter game တစ်ခုဖြစ်တဲ့ Onward ရဲ့ နောက်ကွယ်က Downpour Interactive အား Facebook မှ ဝယ်ယူလိုက်ပြီဖြစ်ပါတယ်။ 

အဆိုပါသဘောတူညီချက်ရဲ့ ငွေရေးကြေးရေးပိုင်းဆိုင်ရာအချက်အလက်များကိုတော့ Facebook မှ ထုတ်ဖော်ပြောကြားခြင်းမရှိသေးသော်လည်း ပြောကြားချက်အရ အဆိုပါဝယ်ယူမှုတွင် သူတို့ရဲ့ studio တစ်ခုလုံးပါဝင်ကြောင်း သိရှိခဲ့ရပြီး Onward ရဲ့ အနာဂါတ်မှာ ဘာတွေဆက်ဖြစ်လာဦးမလဲဆိုတာကိုတော့ နှစ်ဖက်စလုံးမှ "အဆိုပါ game ကို ဆက်လက်၍ Steam အပါအဝင်  လက်ရှိဆော့ကစားနိုင်နေဆဲဖြစ်တဲ့ platform တိုင်းတွင် support ပေးသွားဦးမှာဖြစ်ပါတယ်" ဟူ၍ ဖြေကြားခဲ့ပါတယ်။ 

Facebook ရဲ့ ငွေကြေးပိုင်းဆိုင်ရာထောက်ပံ့ပေးမှုများနှင့်အတူ Downpour အနေနဲ့ project အသစ်များအား စတင်ပြုလုပ်သွားနိုင်ရန် စီစဉ်လျှက်ရှိပြီး လက်ရှိတွင် အသေးစိတ်အချက်အလက်များကို ထုတ်ဖော်ပြောကြားခြင်းမရှိသေးသော်လည်း သူတို့အနေနဲ့ “ထိုအရာကို လူများများထံသို့ ရောက်နိုင်သမျှ ရောက်ရှိနိုင်အောင် ကြိုးစားသွားမှာဖြစ်တယ်” လို့ ပြောကြားသွားခဲ့ပါတယ်။