ဒီဇင်ဘာလ ၁ ရက်နေ့တွင် - တစ်စုံတစ်ဦးမှ decentralized finance platform တစ်ခုဖြစ်တဲ့ BadgerDAO နှင့် ချိတ်ဆက်ထားသော cryptocurrency wallet များစွာမှ crypto ငွေကြေးများကို ခိုးယူမှုပြုလုပ်ခဲ့ကြောင်း သတင်းများအရ သိရှိရပါတယ်။

အဆိုပါ ခိုးယူမှုအား စုံစမ်းစစ်ဆေးရန်အတွက် Badger နှင့်အတူတကွ ပူးပေါင်းဆောင်ရွက်လျှက်ရှိသော Blockchain security နှင့် data analytics ကုမ္ပဏီတစ်ခုဖြစ်တဲ့ PeckShield ရဲ့ပြောဆိုချက်အရ ထိုဆိုက်ဘာတိုက်ခိုက်မှုတွင် ခိုးယူမှုခံခဲ့ရသော crypto token များဟာ ကန်ဒေါ်လာ သန်း ၁၂၀ အထိတန်ကြေးရှိတယ်လို့ သိရှိရပါတယ်။

ငွေကြေးလွှဲပြောင်းမှု (transaction) များရဲ့ ထင်သာမြင်သာရှိတဲ့ သဘောကြောင့် ကျွန်ုပ်တို့အနေနဲ့ attacker များဘက်မှ စတင်တိုက်ခိုက်မှုပြုလုပ်လိုက်တာနဲ့ ဘာတွေဖြစ်သွားသလဲဆိုတာကို သိရှိနိုင်ခဲ့ပါတယ် ဟူ၍ BadgerDAO မှ ပြောကြားခဲ့ပါတယ်။