Bored Ape Yacht Club NFT ရဲ့ ဖန်တီးသူများဖြစ်တဲ့ Yuga Labs မှ CryptoPunks နှင့် Meebits တို့ကို Larva Labs ထံမှတဆင့် လွှဲပြောင်းဝယ်ယူမှုပြုလုပ်လိုက်ပြီဖြစ်တယ်လို့ မတ်လ ၁၁ ရက်နေ့က ကြေငြာမှုပြုလုပ်ခဲ့ပါတယ်။ 

CryptoPunks ဟာ NFT လောကတွင် သက်တမ်းအရှည်ဆုံးနဲ့ တန်ဖိုးအကြီးမားဆုံး brand တစ်ခုဖြစ်သလို Meebits ဟာလည်း ပြီးခဲ့တဲ့နှစ် မေလအတွင်းကစတင် launch ပြုလုပ်ခဲ့ပြီးနောက် တန်ဖိုးအကြီးဆုံး NFT collection များစာရင်းသို့ မြန်ဆန်စွာရောက်ရှိလာခဲ့တဲ့ brand တစ်ခုဖြစ်ပါတယ်။ 

ဒါ့အပြင် Yuga Labs ဟာ အဆိုပါဝယ်ယူမှုရဲ့ အစိတ်အပိုင်းတစ်ရပ်အနေနဲ့ Larva Labs ထံမှ CryptoPunks NFT ၄၀၀ ကျော်နှင့် Meebits NFT ၁၇,၀၀၀ ကျော်ကိုလည်း လွှဲပြောင်းရရှိခဲ့တယ်လို့သိရှိရပြီး Yuga Labs မှ အဆိုပါလက်လွှဲရောင်းချမှုရဲ့ တန်ဖိုးအတိအကျကိုတော့ ထုတ်ဖော်ပြောကြားခြင်းမရှိသေးပါဘူး။