ဟာသသရုပ်ဆောင်တစ်ဦးဖြစ်သူ Lewis Black မှ SiriusXM ကပိုင်ဆိုင်ထားသော audio streaming ဝန်ဆောင်မှုတစ်ခုဖြစ်တဲ့ Pandora ကို ဇူလိုင်လ ၇ ရက်နေ့က တရားစွဲဆိုမှုပြုလုပ်ခဲ့ပါတယ်။

အဆိုပါကုမ္ပဏီမှ ၎င်းရဲ့ကိုယ်ပိုင်ရေးသားထားတဲ့ အရာများအတွက် မူပိုင်ခွင့်ရယူခြင်းမရှိပဲ ဖျော်ဖြေမှုများနဲ့ပတ်သက်တဲ့ recording များကိုဖွင့်လှစ်ဖော်ပြခဲ့တဲ့အတွက် တရားစွဲဆိုခဲ့ရခြင်းဖြစ်တယ်လို့ သိရှိရပါတယ်။

Lewis ဟာ အခြားသောသရုပ်ဆောင်များနဲ့အတူ Pandora ကို တရားစွဲဆိုမှု ပြုလုပ်ခဲ့ခြင်းဖြစ်ပြီး ဒီအမှုတွင် ဟာသသရုပ်ဆောင်များသာအနိုင်ရရှိခဲ့မယ်ဆိုပါက Pandora အနေနဲ့ ကန်ဒေါ်လာသန်းပေါင်းများစွာကို မူပိုင်ခွင့်အသုံးပြုခအဖြစ် ပေးဆောင်ရမှာဖြစ်ပြီး Pandora, Spotify နဲ့ အခြားသော audio streaming ဝန်ဆောင်မှုများအပေါ် ကြီးမားတဲ့အကျိုးသက်ရောက်မှု ဖြစ်ပေါ်လာနိုင်ချေရှိနေပါတယ်။