Facebook ရဲ့ ပင်ရင်းကုမ္ပဏီ Meta တွင် Chief Operating Officer အဖြစ် တာဝန်ထမ်းဆောင်ခဲ့သူ Sheryl Sandberg က သူမဟာ ၁၄ နှစ်ကြာ Facebook တွင် လုပ်ကိုင်ခဲ့ပြီးနောက် နှုတ်ထွက်စာတင်ခဲ့ကြောင်း ကြေငြာခဲ့ပါတယ်။ 

Ms Sandberg က သူမရဲ့ကုမ္ပဏီမှ ထွက်ခွာရခြင်းအကြောင်းကို Facebook post တစ်ခုပေါ်တွင် ရေးသားထားခဲ့ပြီး သူမအနေနဲ့ လာမည့်အနာဂါတ်တွင် သူမတည်ထောင်ထားတဲ့ Foundation တစ်ခုကိုသာ အာရုံစိုက်ကာ ဦးဆောင်သွားမှာဖြစ်ပြီး အများအကျိုးပြုလုပ်ငန်းများကို လုပ်ကိုင်သွားဖို့ မျှော်လင့်ထားတယ်လို့ ပြောကြားခဲ့ပါတယ်။ 

“၂၀၀၈ ခုနှစ်တွင် ကျမဒီအလုပ်သို့ စတင်ဝင်ရောက်ခဲ့စဉ်က ကျမအနေနဲ့ ဒီရာထူးနဲ့ အလုပ်လုပ်နိုင်ဖို့ ၅ နှစ်လောက် မျှော်လင့်ခဲ့ဖူးပါတယ်” “၁၄ နှစ်အကြာမှာတော့ ဒါဟာကျမအတွက် နောက်ထပ်ဘဝစာမျက်နှာအသစ်တစ်ခုကို ဖွင့်လှစ်ရမယ့်အချိန်ရောက်ပါပြီ” လို့ Ms Sandberg က ရေးသားခဲ့ပါတယ်။ လက်ရှိ Meta ရဲ့ chief growth officer အဖြစ် တာဝန်ထမ်းဆောင်လျှက်ရှိသော Javier Olivan ကတော့ Ms Sandberg ကုမ္ပဏီမှထွက်ခွာသွားတဲ့အခါ သူမရဲ့နေရာကို အစားထိုးဆက်ခံသွားမှာဖြစ်ပါတယ်။