Activision Blizzard မှ ၎င်းတို့ရဲ့ Activision Publishing နှင့် Blizzard ဌာနခွဲများရှိ ယာယီ QA ဝန်ထမ်းများအားလုံးကို အချိန်ပြည့် (Full-time) ဝန်ထမ်းများအဖြစ်ပြောင်းလဲခန့်အပ်သွားရန်ရှိကြောင်း ကြေငြာချက်တစ်ခုကို ထုတ်ပြန်ခဲ့ပါတယ်။ 

ဆိုလိုသည်မှာ - ယာယီ ဂိမ်းစမ်းသပ်သူပေါင်း ၁,၁၀၀ နီးပါးခန့်ဟာ အကျိုးခံစားခွင့်များပါဝင်တဲ့ full-time job များကို ရရှိနိုင်တော့မှာဖြစ်ပြီး ပိုမိုများပြားတဲ့ လစာငွေများကို ရရှိနိုင်တော့မှာဖြစ်ပါတယ်။ ၎င်းးတို့အတွက် အနည်းဆုံး ၁ နာရီလုပ်ခလစာငွေကိုတော့ ဒေါ်လာ ၂၀ သတ်မှတ်ထားတယ်လို့ သိရှိရပါတယ်။ 

Activision Blizzard ရဲ့ vice president of corporate communications အဖြစ်တာဝန်ထမ်းဆောင်လျှက်ရှိသူ Jessica Taylor ရဲ့ ပြောကြားချက်အရ အဆိုပါအပြောင်းအလဲဟာ Raven Software ဆိုတဲ့ Call of Duty ဂိမ်းစီးရီးများကို လုပ်ဆောင်ပေးလျှက်ရှိသော Activision ပိုင် studio တစ်ခုတွင် ဝန်ထမ်းများရဲ့ တက်ကြွလှုပ်ရှားမှုများကြောင့် အပြောင်းအလဲများပြုလုပ်ပေးခဲ့တာဖြစ်တယ်လို့ သိရှိရပါတယ်။