Waymo နှင့် Uber ဆိုတဲ့ ယခင်က အလိုအလျှောက်မောင်းနှင်နိုင်သောယာဉ်ထုတ်လုပ်ရေးနယ်ပယ်တွင် ပြိုင်ဘက်ဖြစ်ခဲ့တဲ့ကုမ္ပဏီ ၂ ခုဟာ ယခုအခါ ယာဉ်မောင်းမပါတဲ့ Truck ကားထုတ်လုပ်မှုကို ပိုမိုမြန်ဆန်မှုရှိလာစေရန် အကျိုးတူပူးပေါင်းမှုများကို ပြုလုပ်နေပြီပဲဖြစ်ပါတယ်။ 

Waymo ဟာ Uber Freight လို့အမည်ပေးထားတဲ့ Uber ရဲ့  Truck ကားများကို Shipping ကုမ္ပဏီကြီးများနှင့်ချိတ်ဆက်ပေးသောနည်းပညာကို ၎င်းတို့ရဲ့ အလိုအလျှောက်မောင်းနှင်နိုင်သော Truck ကားများကို ထိန်းကျောင်းပေးမည့် နည်းပညာအတွင်းသို့ ထည့်သွင်းသွားမှာဖြစ်ပါတယ်။

ဖော်ပြပါကုမ္ပဏီများရဲ့ ပြောကြားချက်အရ - ဒီ “ရေရှည်အကျိုးတူပူးပေါင်းမှု စီမံကိန်း” ဟာ Waymo ရဲ့ အလိုအလျှောက်မောင်းနှင်နိုင်သော “driver” နည်းပညာတပ်ဆင်ထားတဲ့ ယာဉ်ပိုင်ရှင်များကို Uber Freight မှ တဆင့်ရရှိလာတဲ့ on-demand delivery လမ်းကြောင်းများအတွက် ပိုမိုမြန်ဆန်စွာ စေလွှတ်ပေးနိုင်မှာဖြစ်တယ်လို့ သိရှိရပါတယ်။