မြောက်ကိုရီးယားအခြေစိုက် ဟက်ကာအဖွဲ့တစ်ခုကို လူသိများသော online game တစ်ခုဖြစ်တဲ့ Axie Infinity ထံမှ ပြီးခဲ့တဲ့လအတွင်း ကန်ဒေါ်လာ ၆၁၅ သန်း တန်ကြေးရှိသော cryptocurrency အမြောက်အများ ခိုးယူမှုနှင့် ဆက်စပ်မှုရှိနေကြောင်း US မှ ကြေငြာမှုပြုလုပ်ခဲ့ပါတယ်။

အဆိုပါဂိမ်းပေါ်တွင် player များဟာ crypto currency များကို ဂိမ်းကစားခြင်းဖြင့်သော်၎င်း (သို့မဟုတ်) ၎င်းတို့ရဲ့ avatar များကို လဲလှယ်ခြင်းအားဖြင့်သော်၎င်း ရှာဖွေနိုင်ပြီး အဆိုပါ Hacking ပြုလုပ်ခြင်းဟာ crypto လောကကို အကြီးမားဆုံးရိုက်ခတ်မှုဖြစ်စေခဲ့တဲ့အရာတစ်ခုလည်းဖြစ်ခဲ့ပါတယ်။

US အာဏာပိုင်များကတော့ အဆိုပါလုံခြုံရေးကျိုးပေါက်မှုဟာ “Lazarus” လို့အမည်ရတဲ့ မြောက်ကိုရီးယားရဲ့ ထောက်လှမ်းရေးဗျူရိုမှထိန်းချုပ်ထားတယ်လို့ ယူဆရသောအဖွဲ့တစ်ခုနှင့် ဆက်စပ်မှုရှိနေကြောင်း ဖော်ထုတ်နိုင်ခဲ့ကြတယ်လို့ ပြောကြားထားခဲ့ပါတယ်။