UK ရဲ့ အခွန်ဌာနဖြစ်တဲ့ Her Majesty’s Revenue and Customs (HMRC) ဟာ NFT များကို သိမ်းဆည်းမှုပြုလုပ်ခဲ့ရတဲ့ ပထမဆုံးအဖွဲ့အစည်းတစ်ခုအဖြစ်မှတ်တမ်းဝင်သွားခဲ့တယ်လို့ BBC မှ သတင်းတစ်ပုဒ်အရသိရှိရပါတယ်။ 

အဆိုပါ သိမ်းဆည်းမှုဟာ ဗြိတိန်ပေါင်ငွေ ၁.၄ သန်းတန်ကြေးရှိ လိမ်လည်မှုတစ်ခုရဲ့ အစိတ်အပိုင်းတစ်ခုဖြစ်ခဲ့ပြီး အဆိုပါလိမ်လည်မှုတွင် ပါဝင်ပတ်သက်နေသူ ၃ ဦး ကိုဖမ်းဆည်းခဲ့ပြီး ဗြိတိန်ပေါင်ငွေ ၅,၀၀၀ တန်ကြေးရှိ crypto ပိုင်ဆိုင်မှုများနှင့် တန်ဖိုးဆုံးဖြတ်သတ်မှတ်ရခြင်းမရှိသေးတဲ့ NFT အနုပညာလက်ရာ ၃ ခုတို့ကို သိမ်းဆည်းခဲ့တာဖြစ်တယ်လို့ သိရှိရပါတယ်။ 

Crypotcurrency များရဲ့ဈေးနှုန်းများ မြင့်တက်လာသည်နှင့်အမျှ အာဏာပိုင်များရဲ့ ဖမ်းဆည်းသိမ်းယူမှုများကိုလည်း ပိုမို၍တွေ့မြင်နေရပါတယ်။ ယခုလအတွင်းကလည်း အမေရိကန် Department of Justice ဌာနဟာ ၂၀၁၆ ခုနှစ် Bitfinex hack အမှုနှင့် ဆက်စပ်နေသည့် ကန်ဒေါ်လာ ၃.၆ ဘီလျံတန်ဖိုးရှိသော crypocurrency များကို သိမ်းယူမှုပြုလုပ်ခဲ့တယ်လို့ သိရှိရပါတယ်။