Twitter မှ ၎င်းကိုကန်ဒေါ်လာ ၄၄ ဘီလျံဖြင့်ဝယ်ယူရန် သဘောတူညီချက်အား ပြန်လည်ဖျက်သိမ်းရန် စီစဉ်လျှက်ရှိနေသော Elon Musk ကို တရားစွဲဆိုရန်အတွက် နာမည်ကြီးဥပဒေအကြံပေးကုမ္ပဏီတစ်ခုဖြစ်တဲ့ Wachtell, Liption, Rosen & Katz ကို ဌားရမ်းခေါ်ယူမှုပြုလုပ်လိုက်ပြီဖြစ်ပါတယ်။ 

Twitter မှ ၎င်းတို့ရဲ့အဖွဲ့အတွက် ဥပဒေပညာရှင် (၂) ဦးကို ခေါ်ယူခဲ့ပြီး ပထမတစ်ဦးကတော့ Delaware တရားရုံးတွင် Anthem နှင့် Sotheby's ကုမ္ပဏီများကို activist investor များနှင့် တရားရင်ဆိုင်မှုပြုလုပ်ရာတွင် ကိုယ်စားပြုပေးခဲ့ဖူးတဲ့ William Savitt ဖြစ်ပါတယ်။ 

နောက်တစ်ဦးကတော့ Delaware Chancery တရားရုံးတွင် ယခင်ကအကြီးအမှုးအဖြစ်တာဝန်ထမ်းဆောင်ခဲ့ဖူးပြီး အမေရိကန်ပြည်နယ်ရှိတရားရုံးများတွင် နှစ်ပေါင်း ၂၀ ခန့် အတွေ့အကြုံရှိသူတစ်ဦးဖြစ်ပြီး အဆိုပါဥပဒေအကြံပေးကုမ္ပဏီသို့ မဝင်ရောက်မှီတွင် အမေရိကန်ပြည်ထောင်စုရဲ့ တရားရုံးချုပ်တွင် Chief Justice (တရားသူကြီးချုပ်) ရာထူးဖြင့် တာဝန်ထမ်းဆောင်ခဲ့ဖူးတဲ့ Leo Strine ဖြစ်တယ်လို့ သိရှိရပါတယ်။ ¬¬