အမေရိကန်နိုင်ငံအတွင်းရှိ Twitter ကုမ္ပဏီဟာ Target ads များကိုရောင်းချရာတွင် အထောက်အကူဖြစ်စေရန်အတွက် အသုံးပြုသူများရဲ့ ဒေတာအချက်အလက်များကို တရားမဝင် အသုံးချလျှက်ရှိနေတယ်လို့ ဥပဒေအရာရှိများက စွဲချက်ပြုလုပ်ခဲ့တဲ့အတွက် ဒါဏ်ကြေးအဖြစ် ကန်ဒေါ်လာ သန်း ၁၅၀ ကို ပေးဆောင်ရတော့မှာဖြစ်ပါတယ်။ 

စွဲချက်ပြုလုပ်ထားတဲ့ မှတ်တမ်းများအရ Twitter ဟာ ကိုယ်ရေးအချက်အလက်များဖြစ်တဲ့ ဖုန်းနံပါတ်များနဲ့ e-mail လိပ်စာများကို ကြော်ငြာသူများထံ ပေးအပ်ခြင်းမပြုလုပ်ရန် ကတိကဝတ်ပြုလုပ်ခဲ့ပြီး Federal Trade Comission (FTC) နှင့် Department of Justice ရဲ့ ပြောကြားချက်အရ Twitter က အဆိုပါသဘောတူညီမှုကို ဖောက်ဖျက်ခဲ့တာဖြစ်ပါတယ်။ 

Twitter ဟာ ၂၀၂၀ ခုနှစ် ဒီဇင်ဘာလအတွင်းမှာလည်း ဥရောပနိုင်ငံများရဲ့ GDPR data privacy စည်းကမ်းချက်များကို ဖောက်ဖျက်ခဲ့တဲ့အတွက် ယူရို ၄၀၀,၀၀၀ ကို ဒါဏ်ကြေးအဖြစ်ပေးဆောင်ခဲ့ရပါသေးတယ်။