LG မှထုတ်ပြန်လိုက်တဲ့ကြေငြာချက်တစ်ခုအရ TikTok ဟာ သူတို့ရဲ့ 2020 နှင့် 2021 smart TV များအတွက် TikTok app ကိုရေးဆွဲထုတ်လွှင့်ပေးခဲ့ကြောင်း သိရှိရပါတယ်။

အဆိုပါ TikTok app ဟာ မကြာမှီကထုတ်လွှင့်ပေးခဲ့တဲ့ webOS 5.0 နှင့် webOS 6.0 model များထံသို့ firmware update ပေးခဲ့ခြင်းနှင့်အတူ အောက်တိုဘာ ၇ ရက်နေ့ကထွက်ရှိလာခဲ့တာဖြစ်ပြီး လာမည့်လများအတွင်း LG ရဲ့ 2019 TV model များသို့လည်း ရောက်ရှိလာတော့မှာဖြစ်ပါတယ်။

အဆိုပါ app ကို ယခုအခါတွင် UK, France နှင့် Germany နိုင်ငံများတွင် စတင်ထုတ်လွှင့်ပေးပြီးဖြစ်တယ်လို့ The Verge သို့ TikTok ရဲ့ကိုယ်စားလှယ်ပုဂ္ဂိုလ်တစ်ဦးမှ အတည်ပြုပေးခဲ့ပြီး TikTok ဟာ TV များပေါ်သို့ ပိုမို၍‌နေရာယူလာနိုင်သည်နှင့်အမျှ ကြော်ငြာခများကိုလည်း တိုးမြှင့်၍ကောက်ခံသွားလိုဟန်ရှိနေပါတယ်။