Tesla ဟာ ရှန်ဟိုင်းမြို့တွင် COVID ရောဂါကူးစက်ပြန့်ပွားမှုများအပြီးတွင် lockdown ကန့်သတ်ချက်များကို ပြန်လည်ဖြေလျှော့ပေးလာခဲ့တဲ့အတွက် ရှန်ဟိုင်းမြို့ရှိ ကြီးမားတဲ့စက်ရုံတစ်ခုတွင် ထုတ်လုပ်ရေးလုပ်ငန်းများကို ပြန်လည်စတင်ဆောင်ရွက်လျှက်ရှိနေပြီပဲဖြစ်ပါတယ်။

Bloomberg သတင်းဌာနမှ ရေးသားထားတဲ့ သတင်းတစ်ပုဒ်အရ အဆိုပါစက်ရုံကို “closed-loop system” လို့အမည်ပေးထားတဲ့ စနစ်တစ်ခုအတိုင်း လိုက်ပါဆောင်ရွက်၍ ပြန်လည်ဖွင့်လှစ်လျှက်ရှိပြီဖြစ်ပြီး ဆိုလိုသည်မှာ - မည်သူမှ စက်ရုံအတွင်းသို့ဝင်ခြင်း၊ စက်ရုံတွင်းမှ ထွက်ခွာခြင်းကို ပြုလုပ်၍ရနိုင်မှာမဟုတ်ပဲ ဝန်ထမ်းများအနေနဲ့ စက်ရုံအတွင်းတွင်သာနေထိုင်၍ အလုပ်လုပ်ကိုင်ကြရမှာဖြစ်ပါတယ်။

အဆိုပါ COVID ကြောင့် ကန့်သတ်ချက်များအပြင် Bloomberg ရဲ့ အဆိုအရ Tesla ဟာ မေလ ၂၈ ရက်နေ့ကစတင်၍ ၎င်းတို့ရဲ့စက်ရုံပိတ်သိမ်းထားရတဲ့အတွက် ကားအစီးရေပေါင်း ၄၀,၀၀၀ ခန့် ထုတ်လုပ်ရန် နောက်ကျခဲ့ရခြင်းအတွက် ကာမိစေရန် အလုပ်ချိန်များကိုလည်း တိုးမြှင့်သတ်မှတ်ထားလျှက်ရှိနေကြောင်း သိရှိရပါတယ်။