Tesla မှ ၎င်းတို့ရဲ့ Passenger Play feature ဖြင့် ကားအတွင်းရှိ touchscreen ပေါ်တွင် ယာဉ်မောင်းနှင်မှုပြုလုပ်နေစဉ်အတွင်း ဂိမ်းများကိုဆော့ကစားခွင့်ပြုထားခြင်းကို ပြောင်းလဲမှုများပြုလုပ်သွားရန်အတွက် သဘောတူလိုက်ပြီဖြစ်တယ်လို့ သိရှိရပါတယ်။

၎င်းဟာ US National Highway Traffic Safety Administration (NHTSA) အမေရိကန်နိုင်ငံ အဝေးပြေးလမ်းမ ယာဉ်ကြောလုံခြုံရေးကြီးကြပ်ကွပ်ကဲမှုအဖွဲ့မှ ပြုလုပ်ခဲ့တဲ့ စစ်ဆေးမှုများအပြီးတွင် ထိုသို့ပြောင်းလဲမှုများကိုပြုလုပ်ဖို့သဘောတူညီလိုက်ခြင်းဖြစ်ပြီး Tesla မှ အဆိုပါလုပ်ဆောင်ချက်ကို ယာဉ်မောင်းနှင်ခြင်းပြုလုပ်နေစဉ်တွင် အသုံးပြု၍မရနိုင်ရန်အတွက် software update ကို မကြာမှီ ထုတ်လွှင့်ပေးသွားမှာဖြစ်တယ်လို့ သိရှိရပါတယ်။

အဆိုပါအဖွဲ့ကြီးမှ “ယခုအခါ ယာဉ်မောင်းနှင်စဉ်အတွင်းတွင် Passenger Play feature ကို lock လုပ်ထားမှာဖြစ်ပြီး အသုံးပြု၍ရနိုင်တော့မှာမဟုတ်ပါဘူး” ဟု ကြေငြာချက်ထုတ်ပြန်ခဲ့ပြီး Tesla ဘက်ကတော့ အဆိုပါကိစ္စနှင့်စပ်လျင်း၍ တစ်စုံတစ်ရာကို ထုတ်ဖော်ပြောကြားခြင်းမရှိသေးပါဘူး။