ထိုင်ဝမ်အခြေစိုက် လျှပ်စစ်စက်ဘီးကုမ္ပဏီတစ်ခုဖြစ်တဲ့ Tern ဟာ ၎င်းတို့ထုတ်လုပ်တဲ့ လူကြိုက်များသော cargo bike များရဲ့ ပိုမိုဈေးသက်သာတဲ့ version ကို ထုတ်လုပ်သွားမှာဖြစ်ကြောင်း ကြေငြာချက်ပြုလုပ်ခဲ့ပါတယ်။ 

Tern ရဲ့ GSD နဲ့ HSD model များဟာ ကုန်ပစ္စည်းများ တင်ဆောင်ရန် နေရာကျယ်ကျယ်ဝန်းဝန်းပါရှိကာ စွမ်းဆောင်ရည်မြင့်မားပြီး၊ စွမ်းအားကြီးမားတဲ့ e-bike များကို အသုံးပြုလိုသူ customer များရဲ့ စိတ်တိုင်းကျ ထုတ်ကုန်များအဖြစ် နှစ်ပေါင်းများစွာကြာအောင် ရှိနေခဲ့တာဖြစ်ပါတယ်။ ယခုထပ်မံကြေငြာမှုပြုလုပ်ခဲ့သည့် Tern Quick Haul ဟာလည်း Tern မှ ထုတ်လုပ်တဲ့ အခြားသော စက်ဘီးများကဲ့သို့ ပေါ့ပါးပြီး လွယ်ကူစွာအသုံးပြုနိုင်မှာဖြစ်တဲ့အပြင် ဝယ်ယူရာတွင်လည်း ယခင် e-bike များထက် အနည်းငယ်ပို၍ သက်သာစွာရောင်းချပေးသွားမှာဖြစ်တယ်လို့ သိရှိရပါတယ်။ 

လက်ရှိတွင် Quick Haul lineup တွင် model ၂ မျိုးကို တွေ့မြင်နိုင်မှာဖြစ်ပါတယ် - D8 လို့အမည်ပေးထားတဲ့ 20mph အထိ အမြန်နှုန်းဖြင့်မောင်းနှင်နိုင်သော Class 1 e-bike ကတော့ ကန်ဒေါ်လာ ၂၉၉၉ ကျပ် ကျသင့်မှာဖြစ်ပြီး P9 လို့အမည်ပေးထားတဲ့ 28mph အထိ အမြန်နှုန်းဖြင့်မောင်းနှင်နိုင်သော Class 3 bike ကိုတော့ ကန်ဒေါ်လာ ၃၂၉၉ ကျပ်ဖြင့်ရောင်းချသွားမှာဖြစ်တယ်လို့ သိရပါတယ်။