Streaming ကုမ္ပဏီတစ်ခုဖြစ်တဲ့ SoundCloud ဟာ ကမ္ဘာတစ်လွှားရှိ ၎င်းတို့ဝန်ထမ်းအင်အားစုစုပေါင်းရဲ့ 20% ရာခိုင်နှုန်းကို လျှော့ချလျှက်ရှိနေကြောင်းသိရှိရပါတယ်။ 

ဩဂုတ်လ ၃ရက်နေ့တွင် Billboard မှ ရေးသားခဲ့တဲ့သတင်းများအရ SoundCloud CEO Michael Weissman က ကုမ္ပဏီဝန်ထမ်းများသို့ရေးသားခဲ့တဲ့ စာတစ်စောင်တွင် ဒီအပြောင်းအလဲကို လက်ရှိကမ္ဘာ့စီးပွားရေးအခြေအနေများကြောင့် ပြုလုပ်ခဲ့ရတာဖြစ်ပြီး အကျိုးသက်ရောက်မှုဖြစ်မည့်ဝန်ထမ်းများကို လာမည့်ရက်အနည်းငယ်အတွင်း ကြိုတင်အသိပေးသွားမှာဖြစ်တယ်လို့ ပြောကြားခဲ့ပါတယ်။ 

Billboard သို့ ပြောကြားခဲ့တဲ့ကြေငြာချက်တွင် SoundCloud ရဲ့ ပြောရေးဆိုခွင့်ရသူမှ အဆိုပါသတင်းကို အတည်ပြုခဲ့ပြီး "ဒီခက်ခဲတဲ့ကာလများအတွင်းတွင် ကျွန်ုပ်တို့ဟာ ဂီတရဲ့အနာဂါတ်ကို ဦးဆောင်ဖို့ဆိုတဲ့ ကျွန်ုပ်တို့ရဲ့ရည်မှန်းချက်ကို အကောင်အထည်ဖော်ဆောင်ရွက်နိုင်ဖို့ ပိုမိုအားဖြည့်နေစဉ်တွင် ကူးပြောင်းမှုကို ဖြတ်သန်းနေရတဲ့သူများအတွက် ထောက်ပံ့မှုနဲ့ အရင်းအမြစ်များကို ပိုမိုအာရုံစိုက်ပေးအပ်သွားဖို့ ဆောင်ရွက်သွားမှာဖြစ်ပါတယ်" ဟူ၍ ပြောကြားခဲ့ပါတယ်။