လျှပ်စစ်ကားထုတ်လုပ်သူကုမ္ပဏီတစ်ခုဖြစ်တဲ့ Rivian ဟာ ၎င်းတို့ရဲ့ဝန်ထမ်းပေါင်း ၁၄,၀၀၀ ခန့်ရဲ့ ၅% ဖြစ်တဲ့ ဝန်ထမ်းပေါင်း ၇၀၀ ခန့်ကို လျှော့ချရန်စီစဉ်နေကြောင်း Bloomberg မှ သတင်းတစ်ပုဒ်အရ သိရှိရပါတယ်။ 

အဆိုပါသတင်းအရ လက်ရှိတွင်တိတိကျကျဆုံးဖြတ်ထားခြင်း (သို့မဟုတ်) အတိအလင်းကြေငြာထားခြင်း မရှိသေးသော်လည်း Rivian က အဓိကအားဖြင့် ထုတ်လုပ်မှုအပိုင်းနှင့် သက်ဆိုင်မှုမရှိပဲ နောက်ပိုင်းလိုအပ်ချက်များကြောင့် ခန့်အပ်ခဲ့ရသည့် အလုပ်နေရာများကို လျှော့ချရန် အဓိကအားဖြင့် စဉ်းစားနေတာပဲဖြစ်ပါတယ်။ 

Rivian ရဲ့ ပြောရေးဆိုခွင့်ရသူ Miranda Jimenez ရဲ့ ပြောကြားချက်အရ သူတို့ရဲ့ကုမ္ပဏီအနေနဲ့ လက်ရှိမှာတော့ ဘာကိုမှ ပြောကြားစရာမရှိသေးဘူးလို့ သိရှိရပြီး။ Bloomberg ကတော့ ဒီကိစ္စအတွက် တရားဝင်ကြေငြာမှုဟာ ရက်သတ္တပတ်အနည်းငယ်ကြာမှ ရောက်ရှိလာနိုင်ကြောင်း မှတ်ချက်ပေးခဲ့ပါတယ်။