Ethereum cryptocurrency mining ပြုလုပ်လိုတဲ့ user များအတွက် အသုံးဝင်မှုပိုမိုနည်းပါးသွားစေရန်အတွက် နောက်ထပ်ထုတ်လုပ်သွားမည့် RTX 3080, 3070 နှင့် 3060 Ti graphics cards များကို ETH hash rate လျှော့ချသွားမှာဖြစ်ကြောင်း ၂၀၂၁ ခုနှစ်၊ မေလ ၁၉ ရက်နေ့တွင် Nvidia မှ ကြေငြာချက်တစ်ရပ်ကို ထုတ်ပြန်အသိပေးခဲ့ပါတယ်။ 

Nvidia ရဲ့ GeForce Marketing အကြီးအကဲဖြစ်တဲ့ Matt Wuebbling မှ “အဆိုပါ hash rate လျှော့ချခြင်းဟာ အသစ်ထုတ်လုပ်လာမည့် ကဒ်များအပေါ်တွင်သာသက်ရောက်မှုရှိမှာဖြစ်ပြီး lite hash rate ဟူသည့် label ပါဝင်လာမှာဖြစ်ပြီး အကယ်၍ ယခင်ထုတ်လုပ်ခဲ့တဲ့ RTX 30 စီးရီးမှ graphics card များကို ကံကောင်းစွာနဲ့ ဝယ်ယူရရှိခဲ့တယ်ဆိုရင်တော့ ဒီ hash rate လျှော့ချမှုဟာ သင့်အပေါ်သက်ရောက်နိုင်မှာမဟုတ်ပါဘူး။” ဟူ၍ blogpost တစ်ခုတွင် ရေးသားထားခဲ့ပါတယ်။  

Nvidia ရဲ့ အဆိုအရ lite hash rate label ပါဝင်လာမည့် RTX 3080, 3070 နှင့် 3060 Ti ကဒ်များကို မေလအကုန်ခန့်တွင် စတင်၍တင်ပို့သွားမှာဖြစ်ပြီး “ဒီပြောင်းလဲမှုအဆင့်ဟာ GeForce ရဲ့ ကဒ်များကို နေရာအနှံ့အပြားရှိ gamer များရဲ့ လက်တွင်းသို့ ဈေးနှုန်းချိုသာစွာဖြင့် ရောက်ရှိလာစေနိုင်လိမ့်မယ်လို့ မျှော်လင့်ပါတယ်” ဟူ၍လည်း Weubbling မှ ရေးသားခဲ့ပါတယ်။