ဂျာမဏီနိုင်ငံအခြေစိုက် ကားထုတ်လုပ်ရေးကုမ္ပဏီတစ်ခုဖြစ်တဲ့ Mercedes-Benz ဟာ ကမ္ဘာတဝှမ်းရှိ ၎င်းတို့ရဲ့ ကားမော်ဒယ်ဟောင်း ၁ သန်းခန့်ကို ၎င်းတို့ရဲ့ ဘရိတ်စနစ်များတွင် ပြဿနာရှိလာနိုင်တဲ့အတွက် ပြန်လည်သိမ်းဆည်းမှုပြုလုပ်ခဲ့ပါတယ်။ 

ဒီပြန်လည်ခေါ်ယူသိမ်းဆည်းမှုဟာ ဂျာမဏီနိုင်ငံရှိ ကားအစီးရေ ၇၀,၀၀၀ အပါအဝင် ကားအစီးရေ စုစုပေါင်း ၉၉၃,၄၀၇ စီးကို အကျိုးသက်ရောက်မှုရှိစေခဲ့ပါတယ်။ ပြီးခဲ့တဲ့နှစ်ကလည်း ၎င်းတို့ရဲ့ အရေးပေါ် ဖုန်းခေါ်ဆိုမှုစနစ်တွင် လုံခြုံရေးဆိုင်ရာပြဿနာအချို့ဖြစ်ပွားခဲ့တဲ့အတွက် အလားတူ ပြန်လည်သိမ်းဆည်းမှုမျိုးကို ပြုလုပ်ခဲ့ရပါသေးတယ်။ 

ကုမ္ပဏီရဲ့ ပြောကြားချက်အရ ယခုတခေါက် ပြန်လည်သိမ်းဆည်းမှုပြုလုပ်ခဲ့ရတဲ့ယာဉ်များဟာ ၂၀၀၄ ခုနှစ်နှင့် ၂၀၁၅ ခုနှစ်အကြားထုတ်လုပ်ခဲ့တဲ့ယာဉ်များဖြစ်ပြီး ၎င်းတို့ရဲ့ ML နှင့် GL စီးရီး SUV များနှင့် R-Class ဇိမ်ခံ minivan များဖြစ်တယ်လို့ သိရှိရပါတယ်။