Google မှ ၎င်းတို့ရဲ့ Plex ဝန်ဆောင်မှုဆိုတဲ့ Google Pay app မှတဆင့် အသုံးပြုသူများရဲ့ ဘဏ်စနစ်များကို စီမံခန့်ခွဲနိုင်စေမယ့် Online banking စီမံခန့်ခွဲမှု app ကိုဖန်တီးနေခြင်းအား ရပ်ဆိုင်းလိုက်ပြီပဲဖြစ်ပါတယ်။ 

ဒီဝန်ဆောင်မှုဟာ အသုံးပြုသူများအနေနဲ့ သမားရိုးကျဘဏ်များမှ ပေးအပ်ထားတဲ့ saving account များကို စစ်ဆေးခြင်းနှင့် စီမံခန့်ခွဲခြင်းတို့ကို Google Pay app မှတဆင့် ပြုလုပ်၍ရနိုင်စေမယ့် app တစ်မျိုးဖြစ်ပါတယ်။ 

The Wall Street Journal မှ ရေးသားခဲ့တဲ့သတင်းတစ်ပုဒ်အရ အဆိုပါလုပ်ငန်းပရောဂျက်ကိုပြုလုပ်ရာတွင် နောက်ဆုံးထားသတ်မှတ်ရက်အမှီ ပြီးစီးအောင်မဆောင်ရွက်နိုင်ခြင်းများနှင့် အဆိုပါပရောဂျက်ကိုဦးစီးခဲ့တဲ့ ကုမ္ပဏီအလုပ်အမှုဆောင်တစ်ဦး အလုပ်ထွက်သွားခြင်း အစရှိတဲ့အကြောင်းအမျိုးမျိုးကြောင့် ရပ်တန့်ခဲ့ရတာဖြစ်တယ်လို့ သိရှိရပါတယ်။