Engadget ရဲ့ သတင်းတစ်ပုဒ်အရ Google ဟာ စက်တင်ဘာလ ၂၇ ရက်နေ့အလွန်တွင် Android 2.3.7 (Gingerbread) နှင့် ထို့ထက်နိမ့်သော Android version များကို သူတို့ရဲ့ app များသို့ sign-in ဝင်ရောက်ခွင့် ပိတ်ပင်သွားတော့မှာဖြစ်ကြောင်း သိရှိရပါတယ်။

ဒီဖြတ်တောက်မှုဟာ အကောင့်များရဲ့ Privacy လုံခြုံရေးကိုကာကွယ်နိုင်ရန်အတွက် မရှိမဖြစ် အရေးကြီးတဲ့အတွက် လုပ်ဆောင်ခဲ့ရခြင်းဖြစ်ပါတယ် ဟူ၍လည်း Google က အသုံးပြုသူများထံသို့ ပေးပို့ခဲ့တဲ့ e-mail တစ်စောင်အတွင်းတွင် ရေးသားထားခဲ့ပါတယ်။

Google အား ထိုအကြောင်းနဲ့ ပတ်သက်ပြီး မေးမြန်းခဲ့ရာမှာတော့ - “Gingerbread နဲ့ သူ့ထက်စောတဲ့ Android model များဟာ အနည်းငယ်သာအသုံးဝင်တော့မှာဖြစ်တဲ့အတွက် ဒါဟာ များစွာသောအသုံးပြုသူများရဲ့ နေ့စဉ်ဖုန်းအသုံးပြုမှုပုံစံအပေါ်ကိုတော့ အကျိုးသက်ရောက်မှုများရှိလာစေမှာမဟုတ်ပါဘူး။ အဆိုပါ Android model များကို အသုံးပြုထားတဲ့ Hardware များပေါ်တွင်လည်း ယနေ့ခေတ်ရဲ့ နောက်ဆုံးပေါ် task များကို ပြုလုပ်နိုင်ဖို့ဟာ လွန်စွာခက်ခဲနေပြီဖြစ်ပါတယ်။” ဟူ၍ ပြန်လည်ဖြေကြားခဲ့ပါတယ်။