သင့်ဖုန်းအတွင်းရှိ app အချို့တွင် X-mode Social မှ ကုဒ်အချို့ပါဝင်နေနိုင်ပြီး ထိုအရာက သင့်ရဲ့တည်နေရာကို ခြေရာခံပေးပို့ပြီး ရောင်းချမှုများ ပြုလုပ်နေနိုင်ပါတယ်။ လက်ရှိအချိန်တွင်တော့ Google နဲ့ Apple တို့ဟာ ဒီအရာကို ရပ်တန့်နိုင်ဖို့အတွက် ကြိုးစားလျှက်ရှိတယ်ဟူ၍ Wall Street မှ သတင်းတစ်ပုဒ်အရ သိရှိရပါတယ်။ ကုမ္ပဏီ ၂ ခုစလုံးဟာ developer များကို သူတို့ရဲ့ app များပေါ်ရှိ X-Mode ရဲ့ကုဒ်ကို ဖယ်ရှားပေးဖို့အတွက် အကြောင်းကြားခဲ့ကြပြီး ဒီလိုမှမဟုတ်ရင်တော့ အဆိုပါ app များကို ကုမ္ပဏီ ၂ ခုစလုံးမှ သက်ဆိုင်ရာ app store များပေါ်မှ ဖယ်ရှားမှုများပြုလုပ်သွားမှာဖြစ်ပါတယ်။ 

X-Mode ဟာ developer များကို သူတို့ရဲ့ app ထဲသို့ထည့်သွင်းရမည့် SDK ဟု ခေါ်တွင်သော ကုဒ်တစ်ခုကိုပေးအပ်ကာ အဆိုပါအရာက အသုံးပြုသူရဲ့ တည်နေရာကို ခြေရာခံမှုပြုလုပ်ပြီးနောက် အဆိုပါ အချက်အလက်များကို X-Mode သို့ရောင်းချရန်အတွက် ပြန်လည်ပေးပို့နေတာပဲဖြစ်ပါတယ်။ အပြန်အလှန်အနေနဲ့ X-Mode က developer များကို သူတို့ရဲ့ app ပေါ်တွင်ရှိနေသော အသုံးပြုသူအရေအတွက် အပေါ်မူတည်၍ ငွေကြေးပမာဏတစ်ခုသတ်မှတ်ကာ ပေးအပ်သွားတာဖြစ်ပါတယ်။ 

လက်ရှိအချိန်မှာတော့ Apple မှ သူတို့ရဲ့ developer များကို SDK အားဖယ်ရှားရန် အချိန် ၂ ပတ်ပေးထားခဲ့ပြီး Google မှတော့ အချိန်တစ်ပတ်ပေးကာ အဆိုပါအချိန်ကို ရက် ၃၀ အထိသာ နောက်သို့ရွှေ့ခွင့်လျှောက်ထားနိုင်မှာဖြစ်ပါတယ်။ အနာဂါတ်တွင်လည်း စာဖတ်သူတို့အသုံးပြုနေတဲ့ app တစ်ခုခုက တည်နေရာကိုရယူဖို့ လိုအပ်ခဲ့ပါက အဆိုပါ app အနေနဲ့ ဒီအရာကို အမှန်တကယ်လိုအပ်မှု ရှိ၊မရှိကို သေချာစွာစဉ်းစားကြည့်ဖို့တော့ လိုအပ်ပါလိမ့်မယ်။