COVID19 ကာကွယ်ဆေးထုတ်လုပ်သူကုမ္ပဏီများအနေနဲ့ COVID19 virus နောက်ဆုံးပေါ်မျိုးကွဲများကို ဦးတည်၍ booster ထိုးဆေးများကိုထုတ်လုပ်ရာတွင် ဓါတ်ခွဲခန်းစမ်းသပ်ချက်အသစ်များပြုလုပ်ရန် လိုအပ်တော့မှာမဟုတ်ကြောင်း FDA အရာရှိတစ်ဦးက Reuters သို့ ပြောကြားခဲ့တယ်လို့ သိရှိရပါတယ်။ 

FDA မှ ယခင်ကပ်ရောဂါကာလအစောပိုင်းတွင် ပြုလုပ်ခဲ့ပြီးသော မျိုးကွဲအထူးပြု Booster ထိုးဆေးများရဲ့ ဓါတ်ခွဲခန်းစမ်းသပ်ချက်များ၊ ထုတ်လုပ်ရေးအပိုင်းမှ data များနှင့် တိရိစ္ဆာန်များနှင့် စမ်းသပ်ထားမှုများအပေါ် မူတည်ပြီး အဆိုပါထိုးဆေးများကို အကဲဖြတ်သွားမှာဖြစ်တယ်လို့ သိရှိရပါတယ်။ 

ယခုအချိန်တွင် နောက်ဆုံးပေါ် Omicron virus မျိုးကွဲမှတဆင့် ထပ်မံပေါက်ဖွားလာတဲ့ မျိုးကွဲများစွာပေါက်ဖွားလာပြီးဖြစ်ကာ BA.4 နှင့် BA.5 မျိုးကွဲများကတော့ အမေရိကတွင် ကျယ်ပြန့်စွာ ပြန့်နှံ့လျှက်ရှိနေပါတယ်။ FDA ရဲ့ ပြောကြားချက်အရ နောက်ထပ်ခွင့်ပြုသွားမယ့် Booster ထိုးဆေးများဟာ အဆိုပါ virus မျုးကွဲများအတွက်ဖြစ်တယ်လို့သိရှိရပါတယ်။ ဆေးဝါးထုတ်လုပ်ရေးကုမ္ပဏီများကတော့ အစောပိုင်း Omicron lineage ဖြစ်တဲ့ BA.1 မျိုးကွဲကို ဦးတည်၍ ထိုးဆေးများထပ်မံစမ်းသပ်လျှက်ရှိနေပြီး Moderna နဲ့ Pfizer/BioNTech ကုမ္ပဏီများရဲ့ အစောပိုင်းအချက်အလက်များအရ BA.1 မျိုးကွဲအပေါ် ဦးတည်ဖော်စပ်ထားတဲ့ ထိုးဆေးများဟာ BA.4 နဲ့ BA.5 မျိုးကွဲများအပေါ်လည်း အကျိုးသက်ရောက်မှုရှိစေနိုင်တာကို တွေ့ရှိရပါတယ်။