FDA မှ တတိယအကြိမ်မြောက် Pfizer/ BioNTech ကာကွယ်ဆေး booster dose များကို စက်တင်ဘာလတွင် ခွင့်ပြုခဲ့ပြီးနောက် ယခုအခါ Moderna နှင့် Johnson & Johnson COVID-19 ကာကွယ်ဆေးများအတွက် booster dose များကို ထပ်မံ၍ထိုးနှံခွင့်ပြုလိုက်ပြီဖြစ်ကြောင်း သတင်းများအရ သိရှိရပါတယ်။ 

အောက်တိုဘာလ ၂၀ ရက်နေ့တွင် FDA ရဲ့ ပြောကြားချက်အရ - ၎င်းတို့အနေနဲ့ “mix-and-match” booster များကိုခွင့်ပြုပေးသွားတော့မှာဖြစ်ပြီး ကာကွယ်ဆေးအပြည့်အဝထိုးနှံပြီးသူများအနေနဲ့ အဆိုပါ ကာကွယ်ဆေး (၃) မျိုးအနက်မှ နှစ်သက်ရာ booster dose ကို ရွေးချယ်၍ထိုးနှံနိုင်ခွင့် ရရှိတော့မှာဖြစ်ပါတယ်။ 

Pfizer/ BioNTech booster dose ကဲ့သို့ပင် Moderna ဆေးကို အသက် ၆၅ နှစ်နှင့် အထက် senior citizen များ၊ ပြင်းထန်တဲ့ရောဂါဖြစ်ပွားနိုင်ခြေရှိသူများနှင့် လုပ်ငန်းခွင်အတွင်း COVID-19 ရောဂါကူးစက်နိုင်မှုနှုန်း မြင့်မားသောသူများအတွက် ရည်ရွယ်၍ FDA မှ ခွင့်ပြုပေးလိုက်တာဖြစ်ပါတယ်။