Facebook ဟာ ၎င်းတို့ရဲ့ podcast platform ကို စတင်ဖွင့်လှစ်ပြီး ၁ နှစ်ကျော်ခန့်တွင် ပိတ်သိမ်းမှုပြုလုပ်လိုက်ပြီဖြစ်တဲ့အတွက် creator များအနေနဲ့ သူတို့ရဲ့ အဆိုပါဝန်ဆောင်မှုပေါ်သို့ show အသစ်များကို ယခုအပတ်အတွင်း upload ပြုလုပ်၍ရနိုင်ဦးမှာမဟုတ်ပဲ အဆိုပါ platform ကို ဇွန်လ ၃ ရက်နေ့တွင် အပြီးတိုင်ပိတ်သိမ်းသွားမှာဖြစ်တယ်လို့ Bloomberg မှ သတင်းများအရ သိရှိရပါတယ်။ 

ဒီကဲ့သို့လုပ်ဆောင်ရခြင်းဟာ Facebook ရဲ့ audio product များကို ပြန်လည်၍ အကဲဖြတ်မှုများကို ကျယ်ပြန့်စွာပြုလုပ်သွားနိုင်ရန်အတွက်ဖြစ်တယ်လို့ သိရှိရပြီး ကုမ္ပဏီဟာ အဆိုပါ site ရဲ့ Soundbites နှင့် Audio hubs များကိုလည်းပိတ်ထားခဲ့ပြီး ၎င်းရဲ့ live-streaming ပြုလုပ်နိုင်သည့် Live Audio Room feature (Clubhouse app နဲ့ပုံစံတူ) ကိုလည်း Facebook Live Suite သို့ ထည့်သွင်းလျှက်ရှိနေပါတယ်။ 

Meta ရဲ့ ပြောရေးဆိုခွင့်ရပုဂ္ဂိုလ်တစ်ဦးဖြစ်သူAdelaide Coronado ကတော့ ဒီပြောင်းလဲမှုပြုလုပ်ချက်များဟာ ကုမ္ပဏီရဲ့ audio ထုတ်ကုန်များကို ပိုမို၍ရိုးရှင်းမှုရှိလာစေမှာဖြစ်တယ်လို့ “The Verge” သို့ ပြောကြားခဲ့ကြောင်းကိုလည်း သိရှိရပါတယ်။