ဧပြီလ ၁၅ ရက်နေ့တွင် Facebook မှ သူတို့ရဲ့ Business Suite management platform ပေါ်သို့ လုပ်ဆောင်ချက်အသစ်များထပ်မံထည့်သွင်းခဲ့ကြောင်းကြေငြာခဲ့ပါတယ်။ အဆိုပါလုပ်ဆောင်ချက်အသစ်များတွင် Facebook နှင့် Instagram နှစ်ခုစလုံးအတွက် Story များကို အချိန်သတ်မှတ်၍ schedule ပြုလုပ်နိုင်မည့်လုပ်ဆောင်ချက်လည်း ပါဝင်လာသလို News Feed ပေါ်တွင် လုပ်ငန်းများကို ရှာဖွေတွေ့ရှိနိုင်စေမည့် လုပ်ငန်းစဉ်အသစ်တစ်ခုလည်း ပါဝင်လာမှာဖြစ်ပါတယ်။

Facebook ရဲ့ နောက်ဆုံးပေါ် လုပ်ငန်းစီမံခန့်ခွဲရေး platform တစ်ခုဖြစ်တဲ့ Business Suite ပေါ်တွင် user များအနေဖြင့် Facebook နှင့် Instagram story များကို ကြိုတင်စီမံ၍ schedule ပြုလုပ်ပေးနိုင်မည့်လုပ်ဆောင်ချက်တစ်ခုကိုထည့်သွင်းပေးခဲ့ပါတယ်။ ပြီးနောက်တွင်တော့ သင့်အနေနဲ့ schedule ပြုလုပ်ထားတဲ့ post များအားလုံးကို Business Suite app ရဲ့ content calendar ပေါ်ကနေတဆင့် တွေ့မြင်နိုင်တော့မှာပဲဖြစ်ပါတယ်။

ထိုအရာအပြင် Facebook မှ News Feed ပေါ်ရှိ post များအောက်တွင်ပေါ်လာလေ့ရှိသော related Page recommendations မှတဆင့် လုပ်ငန်းများကိုရှာဖွေတွေ့မြင်နိုင်စေမည့်အချက်အသစ်အချို့ကိုလည်းထည့်သွင်းပေးခဲ့ပါတယ်။