Online virtual communication app တစ်ခုဖြစ်တဲ့ Discord ဟာ ယခုဆိုရင်ဖြင့် အမေရိကန်ဒေါ်လာ ၇ ဘီလျံခန့် တန်ကြေးရှိနေပြီပဲဖြစ်ပါတယ်။ ဒါက Discord ကို အချို့သော ဂိမ်းကုမ္ပဏီများထက်ပင် ပိုမို၍ တန်ကြေးမြင့်သွားစေခဲ့ပါတယ်။

Discord ဆိုသည်မှာ သူငယ်ချင်းများကို အသံဖြင့်ခေါ်ဆိုမှု (voice call) များအားဖြင့် ချိတ်ဆက်ပေးနိုင်သော online app တစ်ခုဖြစ်ပြီး Steam ကဲ့သို့သော video game launcher များနဲ့ပါ တွဲဖက်၍အသုံးပြု၍ရနိုင်စေတဲ့ app တစ်ခုပဲဖြစ်ပါတယ်။

COVID-19 ကပ်ရောဂါကာလအတွင်းတွင် Discord ကဲ့သို့သော သူငယ်ချင်းများနဲ့ User များကို Online မှတဆင့် ချိတ်ဆက်ပေးနိုင်စွမ်းရှိသော app များဟာ ပိုမို၍အရေးကြီးလာခဲ့ပါတယ်။ Discord ကို ယခင်က Gamer များအတွက်သီးသန့် tool တစ်ခုအဖြစ်သာ ကြော်ငြာမှုများပြုလုပ်ခဲ့ပြီး ကိုယ်ပိုင် Game Store တစ်ခုကိုလည်း တည်ဆောက်ပေးခဲ့ပါတယ်။ ယခုအခါမှာတော့ Discord ကို အနုပညာရှင်များ၊ Community များ၊ Gamer များနဲ့ အခြားနယ်ပယ်မှအသုံးပြုသူများပါ ရှိလာပြီပဲဖြစ်ပါတယ်။ ၂၀၁၉ ခုနှစ်တွင်တော့ Discord က သူတို့ရဲ့ Game Store ကို ပိတ်သိမ်းခဲ့ပြီး၊ သူတို့ရဲ့အဓိကလုပ်ငန်းအပေါ်တွင်သာ အာရုံစိုက်မှုများပြုလုပ်ခဲ့တဲ့ နောက်မှာတော့ အသုံးပြုသူအရေအတွက်ဟာ ယခင်ကထက်ပိုမို၍ များပြားလာခဲ့ပါတယ်။