တရုတ်နိုင်ငံအခြေစိုက် artificial intelligence ကုမ္ပဏီတစ်ခုဖြစ်တဲ့ SenseTime Group ဟာ ၎င်းတို့ရဲ့ ကန်ဒေါ်လာ ၇၆၇ သန်းတန်ကြေးရှိ Hong Kong ဈေးကွက်တွင် ရှယ်ယာရောင်းချမှုများကို ပြန်လည်၍ ပြုလုပ်နေပြီဖြစ်တယ်လို့ သိရှိရပါတယ်။ 

ဒီကြေငြာချက်ကို ကုမ္ပဏီအတွင်းသို့ အမေရိကန်နိုင်ငံသားများမှ ရင်းနှီးမြှုပ်နှံမှုပြုလုပ်ခြင်းကို တားမြစ်လိုက်ပြီးနောက် ၁ ပတ်အကြာတွင်ပြုလုပ်ခဲ့တာဖြစ်ပြီး ကုမ္ပဏီရဲ့ရှယ်ယာများကို Hong Kong Stock Exchange ဈေးကွက်တွင် ဒီဇင်ဘာလ ၃၀ ရက်နေ့မှစတင်၍ ရောင်းချသွားမှာဖြစ်ပါတယ်။ 

အမေရိကန်ဘဏ္ဍာရေးဌာနမှ SenseTime ကို “တရုတ်နိုင်ငံ စစ်တပ်နှင့်ဆက်စပ်နေသည့် စီးပွားရေးလုပ်ငန်းများစာရင်း” တွင်ထည့်သွင်းခဲ့ပြီးနောက်တွင် အမေရိကန်နိုင်ငံသားများကို အဆိုပါစာရင်းတွင် ပါဝင်နေသည့်လုပ်ငန်းများသို့ ရင်းနှီးမြှုပ်နှံခွင့်ပိတ်ပင်လိုက်တဲ့အတွက် အဆိုပါ ရှယ်ယာများရောင်းချရန် စီစဉ်ထားသည့်ရက်ကို ၁ ပတ်ခန့် ရွှေ့ဆိုင်းခဲ့ရတာဖြစ်တယ်လို့လည်း သိရပါတယ်။