CD Projekt Red မှ Witcher franchise အတွက် အခန်းဆက်အသစ်တစ်ခု ပါဝင်လာမည့် Witcher game အသစ်တစ်ခုကို စတင်ပြုလုပ်နေပြီဖြစ်ကြောင်း ကြေငြာမှုပြုလုပ်လိုက်ပြီပဲဖြစ်ပါတယ်။ နောက်ပြီး ဒါဟာ ၂၀၁၅ ခုနှစ်ကထုတ်လုပ်ခဲ့တဲ့ Mainstream title တစ်ခုဖြစ်တဲ့ The Witcher 3: Wild Hunt ကဲ့သို့ Mainstream title တစ်ခု ဖြစ်လာမှာဖြစ်တယ်လို့ သိရှိရပါတယ်။ 

နောက်ထပ် သတင်းထူးတစ်ခုကတော့ ထွက်ရှိလာမယ့် အဆိုပါ Witcher ဂိမ်းအသစ်တွင် CD Projekt Red အနေနဲ့ Epic games နဲ့ “multi-year strategic partnership” ပြုလုပ်ခြင်းရဲ့ တစိတ်တပိုင်းအနေနဲ့ ၎င်းတို့ လက်ရှိမှာအသုံးပြုနေတဲ့ REDengine graphic engine ကနေ Unreal Engine 5 ကို ပြောင်းလဲအသုံးပြုသွားမှာဖြစ်တယ်လို့ သိရှိရပါတယ်။ 

ထိုသို့ partnership ပြုလုပ်ထားသော်လည်း - မကြာမှီထွက်ရှိလာမည့် Witcher game အသစ်ဟာ Epic Games Stores အတွက် သီးသန့် exclusive အနေနဲ့ ထွက်ရှိလာမှာတော့မဟုတ်ပဲ CD Projekt Red ဟာလည်း ၎င်းတို့ရဲ့ REDengine ကို အချို့သောလက်ရှိလုပ်ကိုင်နေဆဲ project များအတွက်နှင့် မကြာမှီပြုလုပ်သွားရန်ရှိသော Cyberpunk 2077 expansion အတွက်လည်း အသုံးပြုသွားဦးမှာဖြစ်ပါတယ်။