အမေရိကန် နှလုံးအဖွဲ့အစည်း (AHA) မှ Apple ရဲ့ MagSafe နည်းပညာဟာ နှလုံးလမ်းကြောင်းဆိုင်ရာ အကူကိရိယာများ ဖြစ်တဲ့ Peacemaker ကဲ့သို့သော device များနှင့် အလွန်နီးကပ်စွာထားရှိမိသောအခါများတွင် အဆိုပါ device များရဲ့ လုပ်ဆောင်ချက်များကို အနှောင့်အယှက်ဖြစ်စေနိုင်ကြောင်း ပြောဆိုခဲ့ပါတယ်။ 

AHA မှ သုသေသနပညာရှင်များရဲ့ လေ့လာတွေ့ရှိချက်အရ အဓိက နှလုံးလမ်းကြောင်းဆိုင်ရာအကူကိရိယာထုတ်လုပ်သူကုမ္ပဏီ ၃ ခုဖြစ်တဲ့ Medtronic, Abbott နှင့် Boston Scientific တို့ရဲ့ အချို့သော device များဟာ “သံလိုက်စွမ်းအင်ကြောင့် အလွယ်တကူ ထိခိုက်ပျက်စီးစေနိုင်ကြောင်း” တွေ့ရှိခဲ့ရပါတယ်။ 

Apple Insider မှ ပထမဆုံးရေးသားခဲ့တဲ့ သတင်းတစ်ပုဒ်တွင်ဖော်ပြထားသည့် သုသေသနပညာရှင်များ၏ စာတမ်းတွင် “ကျွန်ုပ်တို့ရဲ့ လေ့လာချက်အရ iPhone 12 Pro Max အား ခန္ဓာကိုယ်အတွင်း မြှုပ်နှံတပ်ဆင်ထားသည့် နှလုံးလမ်းကြောင်းအကူကိရိယာအပေါ်ရှိ အရေပြားပေါ်သို့တင်လိုက်သည့်အခါတွင် Magnet reversion mode သို့ ဝင်ရောက်သွားစေနိုင်တဲ့အတွက် အသက်ကယ်ကုထုံးများကို ဟန့်တားနိုင်စွမ်းရှိနေပါတယ်။” ဟူ၍ ရေးသားထားခဲ့ပါတယ်။