တရုတ်နိုင်ငံအခြေစိုက် Alibaba Group ဟာ တရုတ်ပြည်သူ့သမ္မတနိုင်ငံ သမ္မတရှီကျင့်ဖျင်မှ ဦးစီးဆောင်ရွက်လျှက်ရှိတဲ့ “Common Prosperity Program” အတွက် ယွမ်ငွေ ၁၀၀ ဘီလျံ (ကန်ဒေါ်လာ ၁၅.၅ ဘီလျံ) ကို ၂၀၂၅ ခုနှစ်တွင် လှူဒါန်းမှုပြုလုပ်ဖို့ ကတိပြုခဲ့တယ်လို့ သိရှိရပါတယ်။
 
ဘေဂျင်းပြည်နယ်အစိုးရဟာ ကမ္ဘာ့အကြီးဆုံးစီးပွားရေးနယ်ပယ်တစ်ခုဖြစ်တဲ့ တရုတ်နိုင်ငံအတွင်း ဆင်းရဲ၊ ချမ်းသာ မညီမျှမှုများကိုလျှော့ချနိုင်ရန်အစီအစဉ်တစ်ရပ်အနေနဲ့ ကုမ္ပဏီများကိုလှူဒါန်းမှုများပြုလုပ်ပေးဖို့ ဆော်ဩလျှက်ရှိနေပြီး တရုတ်နိုင်ငံအခြေစိုက် Tencent Holding မှလည်း ယွမ်ငွေ ၁၀၀ ဘီလျံလှူဒါန်းဖို့ ကတိပြုခဲ့ပါတယ်။ 

အစိုးရရဲ့ကျောထောက်နောက်ခံပြုမှုကိုရရှိထားတဲ့ ဇီကျန်း သတင်း website ရဲ့ပြောကြားချက်အရတော့ Alibaba မှ လှူဒါန်းမည့် ရံပုံငွေများကို အသေးစားနဲ့ အလတ်စားစီးပွားရေးလုပ်ငန်းများကို ကူညီထောက်ပံ့မှုပေးရန်နှင့် အချိန်ပိုင်းလုပ်သားများဖြစ်တဲ့ courier များနဲ့ ride-hailing driver များကို ကူညီထောက်ပံ့မှုပေးသွားရန်အတွက် အသုံးပြုသွားမှာဖြစ်တယ်လို့ သိရှိရပါတယ်။