Reuters သတင်းဌာနမှ သတင်းတစ်ရပ်အရ တရုတ်နိုင်ငံရှိ သန်းကြွယ်သူဌေးတစ်ဦးဖြစ်သူ Jack Ma ပိုင်ဆိုင်ထားသော Alibaba Group Holding Company ဟာ Wall Street ဂျာနယ်မှပြုလုပ်ခဲ့တဲ့  တတိယနှစ်ပတ်လည်အမြတ်ငွေခန့်မှန်းမှုထက်ကျော်လွန်၍ အမြတ်ငွေများရရှိခဲ့ကြောင်းကို သိရှိခဲ့ရပါတယ်။ 

Alibaba ရဲ့ အွန်လိုင်းရောင်းဝယ်ဖောက်ကားမှု စီးပွားရေးဟာ COVID ကပ်ရောဂါ ကာလအတွင်း လူအများစုက အွန်လိုင်းဈေးဝယ်ယူမှုလုပ်ငန်းများကို ပိုမိုအားထားလာရတဲ့အတွက် အကျိုးအမြတ်များစွာ ဖြစ်ထွန်းခဲ့ပြီး အမြတ်ငွေများ ၃၇% အထိ ပိုမိုရရှိခဲ့တယ်လို့ ဆိုထားခဲ့ပါတယ်။ 

စုစုပေါင်းရရှိခဲ့တဲ့အမြတ်ငွေပမာဏကတော့ တရုတ်ယွမ်ငွေ 221.08 ဘီလျံ ဖြစ်ပြီး အမေရိကန်ဒေါ်လာဖြင့် ၃၄.၂၄ ဘီလျံကို ပြီးခဲ့သည့် ၂၀၂၀ ဒီဇင်ဘာလ နှောင်းပိုင်းတွင် ရရှိခဲ့တာဖြစ်ပြီး Wall Street ဂျာနယ်ရဲ့ ခန့်မှန်းချက်မှာတော့ တရုတ်ယွမ်ငွေ ၂၁၄.၃၈ ဘီလျံ ကိုရရှိလာနိုင်ကြောင်း ခန့်မှန်းခဲ့ကြတာပဲဖြစ်ပါတယ်။